Многу пациенти со автоимуни заболувања изразија загриженост дека вакцината против Ковид-19 може да предизвика распламтување на симптомите на веќе постоечката болест.
Американскиот универзитет за ревматологија верува дека придобивките од вакцинацијата го надминуваат овој проблем, бидејќи луѓето кои страдаат од хронични болести, исто така, имаат и многу поголеми шанси да завршат во болница поради Ковид-19. Неодамна објавија и препораки за пациенти со автоимуни заболувања кои се загрижени за последиците од вакцинацијата. Во нив се наведува дека имунокомпромитираните пациенти треба да соработуваат со својот лекар за да го координираат терминот на вакцинација со лековите кои пациентот веќе ги прима за да се подобри ефикасноста на вакцината.
Многу пациенти кои имаат автоимуна болест стравуваат од реакција на вакцината и можните последици
КАКО ДЕЛУВА ВАКЦИНАТА НА ЛУЃЕ СО ХРОНИЧНИ БОЛЕСТИ
„Несаканите ефекти од вакцините имаат повеќе врска со имунолошкиот систем и имунолошкиот одговор на една личност отколку со постоечката болест“, објасни д-р Рамин Ахмади, раководител на медицинскиот оддел на Глобал ЛЛЦ. Вакцината до денес не е доволно тестирана во однос на нејзиното влијание врз луѓето кои имаат некои веќе постоечки болести, така што информациите се ограничени. Луѓето со компромитиран имунитет, како што се оние кои биле на хемотерапија, можеби нема да имаат силен имунолошки одговор во споредба со остатокот од популацијата, но се верува дека и нив ќе ги заштити доволно. Тој исто така повторува дека придобивките од вакцината се големи.
„Важно е да се запамети дека сите болести на имунолошкиот систем не се исти, така што реакцијата на вакцината ќе биде различна“, додаде Ахманди.
МОЖЕ ЛИ ВАКЦИНАТА ДА ПРЕДИЗВИКА СИЛНИ СИМПТОМИ?
Многу пациенти кои имаат автоимуна болест стравуваат од реакција на вакцината и можните последици.
„Постои ризик симптомите да се распламтат по вакцинирањето кај луѓето кои имаат тешки форми на болест“, рече Ахмади, додавајќи дека ова е само теорија.
Неодамна, во магазинот „The Lancet“ беа објавени резултати од студија во која се наведува дека со оглед на претходните податоци, теоретски, можноста да се појават појаки симптоми на болеста не треба да биде причина за прескокнување на вакцината, бидејќи овие луѓе спаѓаат во ризична група за сериозен облик на Ковид-19.
Експертите ширум светот веруваат дека придобивките од вакцините го надминуваат ризикот од потенцијално распламтување на некоја болест
Д-р Дејвид Катлер, семеен лекар во болницата Сент Џон во Калифорнија, смета дека вакцинацијата е генерално добра идеја. Бидејќи лековите во облик на стероиди можат да го потиснат имунолошкиот систем, на пациентите кои ги земаат им се препорачува да избегнуваат вакцинација две недели пред и по дозата. Според експертите, вакцината не треба да се избегнува, но важно е да разговарате со вашиот лекар за тоа кога треба да се вакцинирате имајќи го предвид времето кога ги земате лековите.
Некои симптоми што можат да се појават по вакцинирањето, а вклучуваат треска, болки во мускулите и замор, може да се совпаднат со симптомите на постоечка болест. Симптомите се обично лесни и краткотрајни, наведува д-р Катлер, кој вели дека е во ред да се земат лекови кои ќе го намалат чувството на болка по вакцинацијата.
