Многу родители не знаат како да реагираат кога нивното дете, обично на возраст од градинка, ќе почне да пцуе. Едукаторката за воспитување Глорија Пераниќ вели дека во својата пракса често се сретнува со прашање на родителите како да реагираат кога тоа ќе се случи. Иако многумина од нив се загрижени, таа нагласува дека не треба да бидеме особено загрижени кога дете на таа возраст ќе почне да пцуе.
Како што објаснува, детето не им придава значење на тие зборови како возрасните, а реагира главно во однос на вниманието што го добива. На почетокот, голем број на возрасни реагираат со смеа или бараат од детето да го повтори тоа, што според неа е погрешно. За детето тоа значи потврда, одобрување и внимание, па само уште почесто ќе ја повторува изговорената пцовка.
Таа ги советува родителите да го прашаат своето дете што воопшто значи одреден збор што тоа штотуку го кажало, бидејќи тоа во голема мера ја демистифицира пцовката. Причината е што огромното мнозинство деца не ни знаат што значи одредена пцовка. Исто така, додава и дека родителите не треба да обрнуваат внимание на ваквите изрази.
„Имајте на ум дека овие зборови немаат иста тежина за дете“, додава едукаторката.
