Повеќето експерти се согласуваат дека е најдобро родителите да ги остават малите деца да спијат како што сакаат. “Да, тие обично заспиваат на невообичаени начини. Не, родителите не треба да се грижат“, вели д-р Абхинав Синг, директор на Центарот за спиење во Индијана. Во одредена смисла, “правилното“ спиење во кревет е научено однесување.
“Децата многу се движат во сон“, вели педијатарот и тренер за спиење д-р Нилонг Вјас. Извртувањето наоколу за да се најде удобна положба на крајот од циклусот на спиење е сосема нормално, објаснува д-р Вјас.
“Дури и возрасните го прават тоа, но кога ќе се вратат на спиење, тие обично го прават тоа на типично ориентиран начин со главата кон потпирачот на креветот и нозете кон подножјето на креветот. Малите деца не сметаат дека има нормална положба или правилен или типичен начин на спиење. Ако на бебето му е удобно да спие настрана во креветот, тогаш има големи шанси да спие така.
- Дали нешто треба да направите во врска со спиењето настрана?
“Се додека детето може да спие цела ноќ со помалку прекини, помалку станување во текот на ноќта и без ‘рчење, треба да го оставите“, вели д-р Синг.
Главно овие необични (и понекогаш урнебесни) положби на спиење се сосема во ред.
“Често ќе го најдете детето кое штотуку проодело како во текот на ноќта прави ‘јога’ и ќе го најдете во ‘детска поза со задникот во воздух’“, вели д-р Вјас и додава “следниот пат ќе биде комплетно на страна во креветот, понекогаш ќе биде свртено наопачки со главата во подножјето на креветот“.
Експеритите велат сека овој вид на движење и положби се сосема нормални, но предлагаат користење на заштитни огради на креветот, додека детето не наполни 5 до 7 години. Овие необични положби на спиење општо се безопасни. Секако контактирајте го вашиот педијатар ако било што во врска со навиките на спиење на вашето дете ве загрижува, но сепак уживајте во способноста на вашето дете навечер да спие на кој сака начин.
