Во никој случај децата не треба да се испраќаат во училиште и градинка ако имаат било какви симптоми, дури и оние “најбезоспани“, а она што е особено важно е дека доколку родителите имаат одредени симптоми, треба исто така децата да ги остават дома.
Ова е период од годината кога се меша почетокот на сезоната на грип, алергии, а со присутност и на КОВИД-19, се е дополнително отежнато во препознавањето на симптомите, кои може да бидат многу слични.
Пред пандемијата со коронавирус, доколку детето “поткашлувало“ или “растечено во носот“, главно би одело на училиште или во градинка, но сега тоа не смее да биде случај.
Според педијатарот, д-р Дејан Јонев моментално “симптоматиката на коронавирусот е многу богата и шаренолика“. Имено, се движи од класични симптоми на респираторни инфекции до стомачни тегоби и поради тоа, секоја непријатност треба сериозно да се третира.
Д-р Јонев додава дека ваквиот став треба да постои не само поради коронавирусот, туку и заради спречување на ширење на други болести на кои се подложни децата во големи колективи, ни и заради зачувување на имунитетот на најмладите.
РИЗИЧНИ СИМПТОМИ ЗА ОДЕЊЕ НА УЧИЛИШТЕ И ГРАДИНКА:
Многу е важно сите родители да знаат со кои точно симптоми децата никако не треба да одат во градинка или во училиште.
- Кашлица
- Температура
- Појава на било каков симптом на респираторна инфекција
- Мачнина и/или повраќање
- Дијареа
Препорака на педијатарот е да при појава на било кој од овие симптоми, детето да се однесе на лекар да се направат анализи, пред се крвна слика и да се утврди што е со детето. Тој нагласува дека ако родителите имаат слични симптоми кои може да укажуваат на КОВИД-19, исто така никако не треба да по праќаат детето на училиште или во градинка.
