Одредени намирници може да имаат негативно влијание врз здравјето на детето, но исто така и да влијаат врз неговото однесување, концентрација и квалитет на сонот. Токму затоа, објаснуваат педијатрите, треба да се избегнуваат одредени намирници кога се во прашање децата.
Причината е едноставна, тие не содржат речиси никаква хранлива вредност, а во некои случаи може да бидат и токсични.
Според „Опера њуз“, ова е храната која педијатрите ја издвоија како најлоша за децата:
- газирани пијалаци,
- купечки сокови,
- супа од ќесичка,
- енергетски пијалaци,
- гумени бонбони,
- енергетски плочки,
- преработена храна,
- кофеин,
- пржени компири,
- кекси,
- чипс.
Според истражувањето објавено во списанието The Lancet – Child & Adolescent Health, најлоша храна за детето е брзата храна, која речиси не нуди хранливи материи и не е здрава.
Студиите следеле како лошата исхрана може да влијае на мозокот на децата и адолесцентите, а резултатите биле катастрофални.
Децата кои често јаделе брза храна, но и намирници богати со рафиниран шеќер, имале проблеми со меморијата, вниманието и контролата на своите емоции, а исто така биле посклони кон дебелеење додека растеле, пишува „Eat This Not That“.
