СУПЕРФЕТАЦИЈА: Дали можам да забременам ако веќе сум трудна?

Колку и да ви звучи тоа чудно, но ДА, жена може да забремени во тек на постоечка бременост. Еве како е тоа можно.

Жена може повторно да забремени, иако е веќе трудна. Ваквиот случај на бременост за време на бременост се нарекува СУПЕРФЕТАЦИЈА.

Суперфетацијата подразбира можност на зачнување на друг фетус за време на бременост. Како резултат на тоа, мајката раѓа близнаци со различна гестациска старост и понекогаш два различни датуми на раѓање.

Суперфестацијата не е исто што  и суперфекундација, бидејќи вториот термин подразбира оплодување на две јајце клетки ослободени во текот на еден менструален период, но од два одвоени односи. Кога е во прашање суперфетацијата, жената забременува во текот на различни менструални периоди.

Може да се случи бебињата да имаат различна тежина, висина, па дури и крвна група.

Суперфетација официјално е утврдена кај 10 случаи во светот. Последниот е забележан во Австралија, кога мајката Кејт Хил во рок од 10 дена забременила два пати. Родила две девојчиња во ист ден, иако постоела временска разлика во зачнувањето на двата фетуса.