Рамните стапала се појавуваат во неколку развојни периоди кај детето. Прво време е кога детето ќе почне да оди. Затоа никогаш не смее да се забрза исправањето на нозе на мало дете, бидејќи тоа може да биде една од причините за спуштени стапала. Други причини може да бидат заразни болести кои ги прележале, како рахитис и друго. Во пубертетот сепак, кога коските растат побрзо од мускулите, а сврзните елементи се олабавени, полесно доаѓа до деформација на стапалата, особено ако детето има вишок килограми.
Децата кои имаат спуштено стапалао многу брзо се заморуваат и се жалат на болки во стапалото, потколеницата и грбот. Со оглед дека стапалото е дел од организмот од кој зависи, не само правилното стоење и движење, туку некогаш и занимањето на дететот, потребно е да се одржи неговата сила и функција.
Тоа најлесно се постигнува доколку децата применуваат основни хигиенски мерки за нега на нозете, редовно да ги мијат и често ги менуваат чорапите, ако играат и трчаат на слободен простор на нерамен терен, планинарат, пливаат и во летните месеци одат колку може подолго време боси.
Чевли
Многу е важно чевлите на децата да одговараат на медицинските барања, што значи дека во нив, стапалото мора да има доволно место. Тоа се постигнува ако обувките напред се доволно широки. И ѓонот мора да биде мек и еластичен. Треба да внимавате детето да не ги надрасне чевлите, бидејќи во тесните чевли ногата многу се деформира. Важно е и физичкото воспитување во градинка и на училиште, во чии рамки задолжително се организирани вежби за спречување на развој на рамни стапала.
Рамните стопала се лекуваат со медицинска гимнастика, носење ортопедски влошки или чевли, а во потешки случаи и со оперативен зафат.
Кои спортски активности се дозволени за деца со рамни стапала?
Секој спорт кој ги јакне мускулите и не доведува до влошување на состојбата на стопалата заради премор и делувањето на телесната тежина е дозволен. Не се дозволува возење ролери, додека велосипед може да се вози само со високо седиште, така да ногата се потпира на педалите со прстите на стапалото, а не со табаните. Не се препорачува детето да се занимава со балет или ритмичка гимнастика додека не се излекуваат спуштени стапала.
Во секој случај потребно е да побарате совет и помош од лекар ортопед.
