42 лица биле заразени со друга варијанта на коронавирус којашто досега не е видена, а ја носи истата проблематична мутација E484K што ја прави јужноафриканската варијанта способна делумно да го избегне имунитетот предизвикан од вакцините и природниот имунитет. Британските научници идентификуваа сој поврзан со патување од Нигерија со иста мутација како јужноафриканската и бразилската верзија што ги прави вакцините против COVID-19 „малку помалку ефикасни“.
Варијантата, исто така, има мутација Q677H на клучниот шилест протеин, што предизвика предупредувања од научниците дека ова може да го направи вирусот уште поотпорен на вакцините
Само 38 случаи на вирус – наречен B.1.525 – се потврдени. Четири други осомничени примероци сè уште се анализираат. Вирусот сè уште не е додаден во списокот на „варијанти на загриженост“ и само се испитува, пишува „Дејли мејл“.
Четириесет од случаите биле во Англија и два во Велс, но нивната локација не е објавена. Официјални лица за MailOnline изјавија дека случаите биле „географски распрснати“, без очигледни жаришта или групи. Досега немало повеќе од два случаи на една локација.
Варијантата, исто така, има мутација Q677H на клучниот шилест протеин, што предизвика предупредувања од научниците дека ова може да го направи уште поотпорен на вакцините. И, таа дели сличности со сојот од Кент, што според студиите е за 70% поинфективен и посмртоносен.
