До вонматерична (ектопична) бременост доаѓа кога оплодената јајце клетка се имплантира надвор од матката, обично во една од јајцеводите. Според NHS, јајцеводите се цевките што ги поврзуваат јајниците со матката, а ако јајце клетката се заглави во нив, нема да се развие во бебе и здравјето на жената може сериозно да биде загрозено доколку бременоста продолжи. За жал, ектопичната бременост не е можно да се сочува, а истражувањата покажуваат дека се јавува кај 1,4 отсто од сите бремености.
Посклони кон овој тип на бременост се жените над 35 и под 25 години
Најчести причини за ектопична бременост се претходни карлични инфекции, претходна вонматерична бременост, хируршки зафати на фалопиевите туби, миоми, пушење, хирургија на карлицата и неплодност, а посклони кон овој тип на бременост се жените над 35 и под 25 години.
Како што објаснуваат гинеколозите, постојат неколку симптоми кои може да укажуваат на ектопична бременост. Ова првенствено подразбира отсуство на менструација, болки во стомакот и вагинално крвавење, а во поретки случаи може да се јават и болки во грбот или рамењата.
