Децата кои долго време поминуваат пред екраните имале во подоцниот период полоши резултати на тестовите кои го проценуваат развојот на детето, сугерира ново истражување објавено во списанието JAMA Pediatrics.
Истражувањето објавено минатата недела покажало директна поврзаност помеѓу времето поминато пред екраните, кај децата на возраст од две до три години и нивниот подоцен развој во периодот од три до пет години.
Времето поминато пред екраните влијае на развојот на комуникацијата, моторичките вештини, способноста за решавање на проблемите и социјалните предизвици. Заклучоците се донесени на основа на посебна алатка за следење.
Американската академија за педијатрија препорачува да на децата на возраст од две до пет години им се ограничи времето кое го поминуваат пред екрани, и тоа на еден час квалитететна детска програма дневно.
“Во просек децата опфатени во нашето истражување, седеле пред екрани два до три часа дневно. Тоа значи дека повеќето од нив ги пречекориле педијатриските насоки“, изјавила авторката на истражувачката работа, Шери Мадиган од Универизтетот Калгари.
Таа предупредува дека дозволата на родителите децата да седат долго пред екраните може да се спореди со давањето нездрава храна.
Американската академија за педијатрија наведува дека за сите деца и млади луѓе потребно е најмалку осум часа сон, еден час физичка активност и штоо помалку време поминато пред екраните.
Децата од сите возрасти во САД, според претходни истражувања, вкупно пет до седум часа поминуваат пред екраните, вклучувајќи гледање телевизија, играње на компјутер или на мобилен телефон.
