ЗИМСКИ ТЕМПЕРАТУРИ: Колку студено време е многу студено за бебето?

Зимата носи и температури под нула. Како да се заштитат најмладите од ниските температури, а сепак да се помине некое време надвор од дома?

Без разлика на временските услови, родителите сакаат да уживаат со своите деца на свеж воздух. Но, кога температурата е под нула, мора да се внимава на бебето и да се прилагоди на временските услови. Ако температурата е под нула, не го изнесувајте бебето надвор, освен до автомобил. Ако температурата е над нула, бидете внимателни ако дува силен и оштар ветер, оти може да биде опасно за бебето.

“Новороденчињата и бебињата немаат способност за регулирање на телесната темпертура. Изложеноста на ниска надворешна температура може да трае само неколку минути, а уживањето во зимските радости оставете ги кога детето ќе порасне“, објаснуваат педијатрите. 

Облечете му на бебето еден слој облека повеќе отколку што носите вие.

Внимателно покривајте ја количката на бебето. Не ставајте само ќебе или пластична заштита на количката, оти според педијатрите тоа може да ја загрози циркулацијата на воздух во количката. Тие советуваат на детето да му се облече јакна, капа, ракавици и чизми, и потоа да се покрие со ќебе преку градниот кош, за детето да ја задржи топлината.

Избегнувајте често капење на бебето, оти водата може да ја исуши бебешката кожа, и особено во зима не е потребно тоа да се капе секој ден.

Набљудувајте ги промените на бебето. Ако тоа почне да се тресе или екстремитетите му се црвени и студени, веднаш внесете го детето во домот. Не ја тријте кожата на детето, советува д-р Монтаг, туку детето треба да се облече во сува и топла облека.