Кај одреден процент на деца, одвикнувањето од пелени може да почне кусо време пред да наполнат две години, додека кај некои процесот може да почне и некое време по третиот роденден. Со оглед на овој широк распон на возраст кога детето би можло да биде заинтересирано за нокшир, потребно е внимателно да се следат сигналите што ги дава детето, а кои укажуваат дека тоа е подготвено да се навикне на нокшир, но без плачење и стрес.
ВРЕМЕ ЗА ВАДЕЊЕ НА ПЕЛЕНИТЕ Е КОГА ВАШЕТО ДЕТЕ:
- Мокри доволна колчина одеднаш.
- Има редовни, обликувани столици, во релативно предвидливо време.
- Има суви периоди најмалку два часа – што покажува дека мускулите на бешиката се доволно развиени
- Може да следи едноставни упатства
- Може да седи мирно на едно место две до пет минути
- Не го сака чувството кога пелената му е мокра или валкана.
- Покажува интерес за навиките на други лиза за во тоалет (сака да гледа кога одите во тоалет).
- Со физички или со вербален знак покажува кога има столица.
- Покажува желба за самостојност.
- Е во фаза е на соработка, а не во негативна фаза.
