6 чудни промени во бременоста кои не сте ги очекувале

Бременоста носи многу физички промени на телото, но тоа ви било познато и пред да забремените. Но, на некои изненадувачки промени можеби никој не ве предупредил, а многу од нив се и помалку непријатни. Еве што велат стручњаците, зошто се јавуваат.

  • РАСТАТ СТАПАЛАТА

Можно е во бременоста да забележите дека старите чевли ви станале тесни. Имено, поради преголемата тежина, лакот на стапалата се порамнува, и стапалото станува поголемо. Според едно истражување, на 60 до 70 проценти од жените во бременост, стапалото им станува подолго и пошироко.

  • ЧЕСТИ ГАСОВИ

Како напредува бременоста ќе забележите дека почесто ќе ви се јавуваат гасови, што не е нималку пријатно. Според лекарите, дури и пред крајот на првото тромесечје, ќе забележите дека стомакот ви изгледа надувано, што е несакана последица на хормонот прогестерон, кој предизвикува задршка на вода. Овој хормон ја забавува и дигестијата, предизвикувајќи зголемување на цревата.

  • НЕОБИЧЕН МИРИС НА УРИНАТА

Ако ви се чини дека вашата урина ја променила бојата и мирисот, не се загрижувајте.

“Во бременоста дневно се создаваат и повеќе од еден грам стероидни хормони, примарно прогестерон, но и сите останати стероиди. Тие во најголем процент по неутрализацијата се излачуваат преку урината, и е можна промена на бојата и на мирисот“, објаснуваат гинеколозите.

Според гинеколозите, течењето млеко од дојките во бременоста се јавува поради зголеменото создавање на хормонот пролактин.
  • ТЕЧЕЊЕ МЛЕКО ОД ДОЈКИТЕ

Градите почнуваат да се менуваат уште во бременоста, а кај некои трудници и неколку недели пред терминот за породување, почнува да им тече млеко од дојките. Според гинеколозите, течењето млеко од дојките во бременоста се јавува поради зголеменото создавање на хормонот пролактин, кој ги подготвува дојките за идното доење.

КРВАРЕЊЕ НА НЕПЦАТА

Можеби не сте знаеле, но бременоста ги менува и вашите непца, па може почесто да крварат од претходно.

“Како се менуваат сите слузници во телото, така и слузницата во устата станува почувствителна поради повисокото ниво на прогестерон. Позната е појавата на крварење и воспаление на непцата за време на бременоста, што доведува до отежнато, понекогаш и болно одржување на оралната хигиена“, истакнуваат лекарите.

  • ВИ ПРЕЧИ МИРИСОТ НА ПАРТНЕРОТ

Трудниците имаат изоштрен осет за мирис, а ако е неподнесувањето на разни мириси е проследено и со мачнини, кај некои бремени жени може да почне да им пречи и мирисот на партнерот. Особено ако консумирал зачинета храна, или пиво, или пак се испотил. Но, тоа ќе помине по првото тромесечје, кога чувствителноста на мириси е најголема.