Миомите или фиброидите на матката често се откриваат кај бремени жени или често се развиваат по породувањето кај некои жени. Во прашање се бенигни тумори кои растат во мускулите на матката. Ги имаат околу 80 проценти од жените, но бидејќи ретко предизвикуваат проблеми, често и не се откриваат до бременоста или почести гинеколошки прегледи поради други причини.
Гените играат важна улога кај миомите на матката, па затоа е важно да знаете дали вашите мајки и баби ги имале. Ако имале, и вие имате поголема склоност кон нив. Исто така, прекумерната тежина може да ги зголеми шансите за појава на миоми поради хормонална нерамнотежа и поголем ризик од покачени нивоа на естроген во вашето тело.
КОИ СЕ СИМПТОМИТЕ?
Доколку миомите се многу мали, можеби нема да почувствувате никакви симптоми. Во најголем дел, нема да имате никакви проблеми, а повеќето жени нема ни да знаат дека постојат. Сепак, миомите понекогаш може да предизвикаат симптоми како што се:
- Екстремно болни менструации
- Крварење помеѓу менструациите
- Болни сексуални односи
- Надуеност
- Често мокрење
- Проблеми со зачнувањето
Сето ова зависи од големината на миомите нивната локација.
КОМПЛИКАЦИИ
Иако се работи за бенигни тумори, може да се појават компликации. Поради обилните менструации, може да станете анемични.
Миомите не предизвикуваат неплодност, но нивната положба и големина може да прават проблеми при обидот за зачнување.
Ако миомите се присутни за време на бременоста, може да се појават проблеми, особено ако се наоѓаат во близина на постелката. Тоа може да доведе до одвојување на плацентата, предвремено породување и други компликации.
ЛЕКУВАЊЕ
Миомите често можат да го забават нивниот раст или да се намалат под влијание на хормоните, но важно е да се следат. Доколку лекарите проценат дека нагло растат или предизвикуваат други проблеми, ќе размислат за операција. Најважно е да побарате помош доколку почувствувате некакви симптоми, а се што треба да се направи, лекарите ќе проценат и на тој начин сигурно ќе ви помогнат.
