За да откријат зошто децата не сакаат да јадат зеленчук, психолози од Универзитетот Јеил во САД спровеле истражување за тоа како децата се однесуваат во близина на растенија. Тие ги следеле децата како си играат и како се однесуваат кога во нивна близина се наоѓаат различни предмети и сфатиле дека децата не се посегаат по природни работи како што се растенија, туку поинтересни им се пластичните работи.
Децата морале да бираат помеѓу две природни работи, две вештачки и некои други два предмета. Она што го предизвикало внимание кај научниците е тоа дека децата се колебале кога требало да ги допрат растенијата. Нивното објаснување е дека тие така се однесуваат од самото раѓање, односно дека тоа е инстикт, бидејќи се плашат од евентуални повреди или труења од билки и цвеќиња.
Резултатите од ова истражување може во голема мера да им објасни на многу родители кои се обидуваат да ги убедат своите деца да јадат зеленчук, тврдат психолозите.
За да го уверите детето сепак да јаде зеленчук психолозите советуваат да со децата разговарате како одредено растение всушност е безбедно и здраво за јадење. Исто така, тие нагласуваат и дека децата не секогаш се плашат од растенија, туку дека одбиваат да ги допрат, за да избегнат евентуални повреди.
