Омикрон продолжува да се шири брзо, а за нешто помалку од три месеци, оваа варијанта на коронавирус зарази милиони луѓе. Светската здравствена организација на Твитер напиша: „Откако омикрон првпат беше идентификуван пред 10 недели, речиси 90 милиони случаи на Ковид-19 се пријавени во СЗО. Сега почнуваме да гледаме многу загрижувачки пораст на смртните случаи, во повеќето региони во светот. Прерано е која било земја или да се предаде или да прогласи победа“.
Првите знаци имаат тенденција да бидат конгестија и други симптоми на инфекција на горниот респираторен тракт (болки во грлото итн.)
Д-р Ерик Чиое-Пења, лекар од Одделот за итни случаи во Универзитетската болница во Стејтен Ајленд, објаснува кога започнуваат симптомите на омикрон и како да се направи разлика помеѓу вирусот и грипот.
Први знаци на омикрон
Д-р Чиое-Пења вели: „Првите знаци имаат тенденција да бидат конгестија и други симптоми на инфекција на горниот респираторен тракт (болки во грлото итн.). Треба да се тестирате доколку сте биле изложени на вирусот или имате какви било симптоми кои одговараат на Ковид.
Други симптоми
Американскиот центар за контрола и превенција на болести наведува: „Луѓето со Ковид-19 имаат широк опсег на симптоми – кои се движат од благи симптоми до тешка болест. Симптомите може да се појават 2-14 дена по изложувањето на вирусот. Секој може да има благи до тешки симптоми.
Луѓето со овие симптоми може да имаат Ковид-19:
- Треска или грозница
- Кашлица
- Скратен здив или отежнато дишење
- Замор
- Болки во мускулите или телото
- Главоболка
- Ново губење на вкус или мирис
- Воспалено грло
- Затнат или растечен нос
- Гадење или повраќање
- Дијареја
Според д-р Чиое-Пења, омикрон е поблага варијанта од претходните, веројатно затоа што многу мутации што го прават поинфективен изгледаат слично на мутациите кај коронавирусите кои предизвикуваат обична настинка. Ова веројатно го прави позаразен, но полесен. Тој е сè уште тежок кај пациенти кои се невакцинирани, така што ова не треба да се пренагласува
Оваа листа не ги вклучува сите можни симптоми. ЦДЦ ќе продолжи да ја ажурира оваа листа додека се дознае повеќе за Ковид-19. Постарите возрасни лица и луѓето кои имаат тешки основни медицински состојби како срцеви или белодробни заболувања или дијабетес се чини дека се изложени на поголем ризик за развој на посериозни компликации од болеста Ковид-19.
Колку брзо откако сте биле изложени на омикрон, ќе почнете да покажувате знаци?
„Омикрон не само што е позаразен од делта, туку луѓето кои се заразени со оваа варијанта обично покажуваат симптоми многу побрзо“, вели д-р Чиое-Пења. „Обично 1-2 дена. Побрзо е отколку со делта или алфа.“
Зошто омикрон е полесен од алфа и делта кај многу луѓе
Според д-р Чиое-Пења, „омикрон е поблага варијанта од претходните, веројатно затоа што многу мутации што го прават поинфективен изгледаат слично на мутациите кај коронавирусите кои предизвикуваат обична настинка. Ова веројатно го прави позаразен, но полесен. Тој е сè уште тежок кај пациенти кои се невакцинирани, така што ова не треба да се пренагласува“.
Дали е можно е да се избегне инфекцијата со омикрон
Преземањето мерки на претпазливост како носење маска, социјално дистанцирање и вакцинирање помага да се превенира инфекција со омикрон. Д-р Чиое-Пења вели: „Да, тој е многу заразен, но сепак е можно да се избегне изложеност. На пример, јас се заразив со Ковид на почетокот на јануари и бидејќи често правев тестови, можев да се изолирам во мојот дом и никој во моето семејство, вклучително и мојата 4-годишна невакцинирана ќерка, последователно не се заразија со Ковид“.
Разликата помеѓу омикрон и грип
„Обично, единствениот начин да се знае точно е да се тестирате“, објаснува д-р Чиое-Пења. „Симптомите се прилично слични. Секако, некои симптоми се поверојатни за Ковид, како губење на вкусот и мирисот, но освен тоа, тешко е да се препознаат само врз основа на симптомите.“ (Eat This, Not That)
