Дали знаевте дека слепото црево е еден од најпроблематичните органи во дигестивниот систем на детето? Овој „заостанат“ дел од цревата, кој, според истражувањата, нема никаква цел, често предизвикува големи проблеми, а доколку навреме не се дијагностицира неговото воспаление може да доведе до фатални последици.
Апендицитис или воспаление на слепо црево е акутно воспаление кое предизвикува силна абдоминална болка, повраќање, гадење, намален апетит и осетливост на абдоминалната област на допир. Кога боли слепото црево, болката се шири во долниот десен квадрант на абдоменот, а болката се зголемува со кашлање, кивање или смеење
Што точно е слепото црево?
Слепото црево е всушност црвовиден израсток чиј лумен е поврзан со почетниот дел на дебелото црево. Слепото црево е парче од дебелото црево, најчесто долго до осум сантиметри.
Симптоми
Апендицитис или воспаление на слепото црево е акутно воспаление кое предизвикува силна абдоминална болка, повраќање, гадење, намален апетит и осетливост на абдоминалната област на допир.
Кога боли слепото црево, болката се шири во долниот десен квадрант на абдоменот, а болката се зголемува со кашлање, кивање или смеење. Генерално со напрегање на стомачните мускули.
Воспалението на слепо црево (апендицитис) претставува најчеста итна абдоминална состојба кај децата за чие решавање е неопходен оперативен третман. Кај децата ќе препознаете болка во слепото црево кога ќе имаат проблеми со станување од кревет и често ќе остануваат во стуткана положба. Постарите мали деца ќе се жалат на стомачна болка.
Кај доенчињата, болката нема да биде локализирана, а чувствителноста може дури и да изостане. Исто така, ректалната температура често се зголемува помеѓу 37,7 и 38,3 степени.
Симптоми на воспаление на слепо црево кај децата
- гадење и повраќање,
- покачена температура,
- болка на десната страна на стомакот, а понекогаш и во грбот,
- болка која не поминува дури и по промена на положбата,
- особено болка при екстензија на десниот колк – на пример, кога се спуштате по скали,
- често мокрење,
- дијареја,
- запек.
Дијагноза
Лекарот ја поставува дијагнозата врз основа на клиничката слика, односно класичните симптоми на воспаление на слепото црево.
Ако, на пример, изворот на болката не е јасен, лекарот ќе направи CT скен со контраст за да го потврди постоењето на воспаление пред операцијата.
