Светот го зафати Барбиманија! Се прошири дури и на идните родители, кои се повеќе пребаруваат имиња инспирирани од хит филмот.
Имено, BabyNames.com објави дека потрагата по имињата Барби и Кен нагло пораснала по објавувањето на филмот. Сајтот само во јули забележал 300 отсто зголемување на пребарувањата за името Барби и 200 отсто зголемување на пребарувањата за името Кен, пишува TMZ. Сајтот наведува дека Барби значи странец, додека Кен значи згоден.
Според сајтот BabyNames.com, Барби значи странец, додека Кен значи згоден
Според американската Администрација за социјално осигурување, по објавувањето на куклата Барби во 1959 година, популарноста на името вртоглаво пораснала. Кенет или Кен стекнал популарност пред 1920-тите, кога името беше меѓу најпопуларните 25 имиња за момчиња во САД. Повторно стана хит во 1961 година, кога на популарната кукла и се придружи кукла по име Кен.
Барби го добила името по ќерката на пронаоѓачот Рут Хендлер, Барбара, а Кен по нејзиниот син Кенет.
