Високо функционалната анксиозност е форма на анксиозност која често останува непрепознаена, бидејќи луѓето кои ја доживуваат најчесто изгледаат успешни, организирани и способни во секојдневниот живот.
Таквите лица често поставуваат многу високи стандарди за себе и за другите, што создава постојан внатрешен притисок и страв од неуспех.
Иако надворешно изгледа дека без проблем ги извршуваат своите обврски, внатрешната борба со анксиозноста може да доведе до ментална и физичка исцрпеност.
Психолозите Кејтлин Славенс и Челзи Боди предупредуваат дека овој тип анксиозност често се занемарува и наведуваат неколку карактеристични знаци, особено кај мајките.
Најчести знаци на високо функционална анксиозност:
- Поставување високи и често нереални стандарди за себе
- Ментална и физичка исцрпеност
- Постојано „претерано размислување“ и немирен ум
- Потреба за континуирана продуктивност
- Нервозни навики (моторен немир, ситни ритуали)
- Угодување на другите и чувство на вина кога се кажува „не“
„Високо функционалната анксиозност наликува на носење невидлива тежина, додека однадвор сè изгледа во ред“, објаснуваат психолозите.
Тие додаваат дека постојаното преиспитување и сценаријата „што ако“ може да изгледаат како начин на подготовка за животот, но со текот на времето сериозно го оптоваруваат менталното здравје.
„Се очекува сè да се извршува со леснотија, но внатрешно личноста може да биде на работ на своите сили. Тоа не мора да биде така – поддршката и психолошката помош можат да направат значајна разлика“, заклучуваат експертите.
