Нутритивната вредност на слаткиот компир (батат) е неверојатна, како и неговиот вкус. Сето ова го прави овој зеленчук идеален избор за прва храна за бебето. Бататот е преполн со витамин А и бета каротен, како и калиум, а содржи и одредена количина витамин Е, калциум и фолна киселина. Природно е сладок, но неговиот природен шеќер полека се ослободува во крвотокот. Нуди балансиран и правилен извор на енергија, не доведува до нагло зголемување на шеќерот во крвта. Гликемискиот индекс е 44, и секако треба да бидете претпазливи со количината. Бататот не треба да се комбинира со месо.
Зошто е добра храна за бебињата?
|
БАТАТ ( еден компир во средна големина, печен) |
|
|
ВИТАМИНИ |
МИНЕРАЛИ |
| Витамин А – 21.909 IUs | Калиум – 950 мг |
| Витамин Ц – 39.2 мг | Фосфор – 108 мг |
| Ниацин – 2.97 мг | Магнезиум – 13.5 мг |
| Пантотенска киселина – 1.76 мг | Калциум –76 мг |
| Фолна киселина –12 мцг | Натриум – 72 мг |
| Содржи и други витамини во помали количини | Железо – 1.38 мг |
| Содржи и мали количини бакар, манган, селен и цинк | |
Кога може да се воведе?
Овој зеленчук може да му го понудите на бебето откако ќе наполни шест месеци. Правилото од “4 дена чекање“, секако се применува и при воведувањето на слаткиот компир во исхраната на бебето. Поради високиот процент на влакна во себе, бататот ја потпомага работата на дигестивниот тракт и допринесува за здравјето на цревата.
