Делта варијантата не предизвикува потешка форма на КОВИД-19 кај децата во однос на преходните варијанти на коронавирусот, покажува најнова британска студија.
На почетокот на оваа година, научниците веќе утврдија дека децата од алфа варијантата не заболуваат потешко, во однос на оригиналната варијанта од Вухан.
Новите податоци упатуваат на тоа дека делта сојот не ги прави децата поболни во споредба со алфа варијантата.
Британските научници од Кралскиот колеџ во Лондон, споредувале две групи на деца заразени со КОВИД-19.
Во првата имало 694 заразени со алфа сојот помеѓу декември минатата година и мај оваа година, а во втората иало 706 заразени деца со делта од мај до јули.
Утврдено е дека децата заразени со делта имале нешто повеќе симптоми, но и во двете групи многу малку деца морале да бидат хоспитализирани.
Долга форма на КОВИД-19 не е евидентирана ниту во еден случај, односно половина од децата во двете групи ниле болни помалку од пет дена.
“Нашите податоци укажуваат на тоа дека клиничките карактеристики на делта варијаната кај децата се слични со останатите варијанти“, заклучиле бротанските научници.
Нивниот заклучок е во склад со заклучокот на Американскиот центар за контрола и превенција на болести.
“Иако забележуваме поголем број инфекции меѓу децата, нашите студии покажуваат дека нема разлика или влошување кога станува збор за сериозноста на симптомите и сериозноста на болеста“, изјави неодамна директорката на Центарот, Рошел Валенски, зборувајќи за делта варијантата.
“Повеќе деца денес се заразени со КОВИД-19 бидејќи болеста е пораспространета во пошироката заедница“, додава таа.
