Американскиот Центар за контрола и превенција на болести (ЦДЦ) објави препорака за поголема вакцинација на жените кои штотуку забремениле или се обидуваат да забременат, со цел да се спречат потешки форми на болеста и смрт.
ЦДЦ истакнува дека неговиот податоци покажуваат дека само 31 процент од трудниците се вакцинирани против КОВИД-19. Иако во моментов расте бројот на вакцинирани бремени жени, ЦДЦ вели дека се помалку во однос на општата популација.
Здравствената агенција во август објави дека трудниците треба да се вакцинираат против коронавирусот, повикувајќи се на нови анализи кои не покажале пораст на ризикот од спонтан абротус.
Притоа, ЦДЦ додава дека освен тешка форма на болеста и смртен исход, кај бремените жени заболени од КОВИД-19 постои и зголемен ризик од предвремено породување.
Во својата најнова препорака, ЦДЦ наведува дека околу 97 проценти од трудниците хоспитализирани поради коронавирусот не се вакцинирани.
