Британскиот професор Крис Вит очекува коронавирусот да циркулира најмалку до 2021 година.
„Ќе бидам изненаден и воодушевен ако не бидеме во истава сегашна состојба и во зима и во наредната пролет“, рече тој на прес-конференција. Додаде дека очекува вирусот „значително“ да циркулира и дека е доста оптимистички да се очекува науката да напредува во тој временски период.
Британската влада вчера соопшти дека физичката дистанца во Англија ќе се намали од два на еден метар. Но, професорот Вит вели дека луѓето сепак треба да се придржуваат до оддалеченост од два метри секаде каде што е тоа можно. Тој додаде и дека луѓето и компаниите треба да се придржуваат кон правилата како што е она за избегнување на седење еден спроти друг.
