Потребно:
- 500 г брашно
- 250 г полутврдо сирење (рендано)
- 150 г путер, омекнат
- 2 јајца
- 200 мл павлака
- 1 кесичка прашок за печиво
- 1 лажичка сол
- 1 јајце, изматено
- 3 лажици сусам
Подготовка: Во голем сад измешајте го брашното, прашокот за печиво и солта. Додадете го ренданото сирење и кратко измешајте за рамномерно да се распределат состојките. Додадете го омекнатиот путер, јајцата и павлаката во смесата. Месете со раце или миксер додека не добиете мазно и меко тесто кое не се лепи за рацете. Доколку е потребно, додадете уште малку брашно. Загрејте ја рерната на 200 °C. Обложете плех за печење со хартија за печење. Развлечете го тестото на дебелина од приближно 1,5 см. Исечете мали тркалезни погачици со чаша или калап и наредете ги на подготвениот плех, оставајќи мал простор меѓу нив. Премачкајте ја секојасо изматено јајце за да добие убава златна боја за време на печењето. Потоа рамномерно наросете ги со сусам. Ставете го плехот во загреаната рерна и печете 12 до 15 минути, или додека колачите не поруменат и не станат крцкави. Извадете ги погачиците од рерна и оставете ги да се изладат неколку минути. Сервирајте ги топли со јогурт, сосови, сувомеснати производи или вашиот омилен пијалак. Добар апетит!
