Бронкс ЗОО: Заразениот тигар не бил тестиран на COVID-19 со тест за луѓе

„Тестирањето на COVID-19 коешто беше извршено на нашата тигрица Надја беше направено во ветеринарната училишна лабораторија и не е истиот тест што се користи кај луѓето“, изјави д-р Пол Кале, главен ветеринар во Бронкс ЗОО за „Њујорк пост“

Тигрицата Надја и пет други големи мачки од Бронкс ЗОО развиле сува кашлица, но се очекува да закрепнат

Тестот за коронавирус, кој бил направен од страна на зоолошката градина во Бронкс, кој покажа дека нивниот тигар е позитивен на Ковид-19 е различен од оној со кој се тестираат луѓето, објасни главниот ветеринар на зоолошката градина во Њујорк.

„Тестирањето на COVID-19 коешто беше извршено на нашата тигрица Надја беше направено во ветеринарната училишна лабораторија и не е истиот тест што се користи кај луѓето“, изјави д-р Пол Кале во изјава објавена во неделата вечер.

„Не можете да испраќате примероци од човек во ветеринарна лабораторија исто како што не можете да испраќате тестови на животни во лабораторија за луѓе, така што нема конкуренција за тестирање помеѓу овие многу различни ситуации“.

Откако Здружението за зачувување на животинскиот свет ја откри дијагнозата на Надја во неделата, многу луѓе на социјалните мрежи, вклучувајќи ги и градските политичари, изразија фрустрација дека некое животно имало пристап до тестирање, додека многу луѓе ја немаат таа среќа.

„Тигар во зоолошката градина во Бронкс има поголем пристап до тестирање отколку некои луѓе од Јужен Бронкс, каде што ризикот од умирање од КОВИД-19 е двојно поголем од остатокот на градот“, објаснил градскиот советник Ричи Торес.

Надја и пет други големи мачки кои развија сува кашлица, се очекува да закрепнат, соопштиja од Wildlife Conservation Society.

Според Centers for Disease Control and Prevention, животните можат да бидат заразени од коронавирусот, но научниците не веруваат дека можат да го шират вирусот на луѓето.