Д-р Емилија Димитрова: РОТАВИРУС – Најранлива категорија се децата на возраст од 4 до 24 месеци, особено оние кои се сместени во градинките и целодневните престои

Во најголем број од случаите не се потребни лекови, туку вниманието треба да е насочено кон внесување на доволна количина течности, за да се надокнади нивната загуба и да се спречи опасноста од дехидрација. Доколку е можно, најдобро е да се избегнуваат антиеметиците и антидијареалните лекови, затоа што, сепак, се работи за вулнерабилна категорија на лица, кај кои овие лекови може да дадат несакани ефекти

Вирусот се пренесува преку фекално-орален пат: Д-р Емилија Димитрова, доктор по општа медицина

 

ПИШУВА:
Д-р Емилија Димитрова,
доктор по општа медицина

 ♦♦♦♦♦♦♦

Ротавирусот ширум светот претставува причинител број 1 за вирусен гастроентероколит

Станува збор за РНА вирус, од фамилијата Reoviridae. Примарно ги напаѓа клетките на вилите на тенкото црево. Бидејќи овие клетки имаат улога во дигестија на јаглехидратите и апсорпција на течности и електролити, инфекциите предизвикани од ротавирусот предизвикуваат нарушување на хидролизата на јаглехидратите и голема загуба на течност од тенкото црево. Вирусот перзистира во столицата во висок титар во периодот на инкубација и 10 дена по појавата на симтомите.

СИМПТОМИ Симптомите најчесто почнуваат по 2 дена од експозицијата и вклучуваат профузни воденести столици, покачена телесна температура, грчевити болки во стомак и повраќање

Иако скоро секое дете во светот ќе се инфицира со ротавирус во период од 3 до 5 години, сепак, најранлива категорија претставуваат децата на возраст од 4 до 24 месеци, особено оние кои се сместени во градинките и целодневните престои, бидејќи вирусот се пренесува преку фекално-орален пат. Исто така, зголемен број на хоспитализации поради ротавирусна инфекција забележана е кај децата кои се предвремено родени и оние со помала родилна тежина.

Симптомите најчесто почнуваат по 2 дена од експозицијата и вклучуваат профузни воденести столици, покачена телесна температура, грчевити болки во стомак и повраќање

Најчесто, првиот податок кој ќе го добиете ќе биде дека детето било во контакт и со други деца кои имаат или имале дијареја. Симптомите најчесто почнуваат по 2 дена од експозицијата и вклучуваат профузни воденести столици, покачена телесна температура, грчевити болки во стомак и повраќање.

ШИРЕЊЕ Градинките и целодневните престои се места каде најбрзо се шири ротавирусот

Во најголем број од случаите не се потребни лекови, туку вниманието треба да е насочено кон внесување на доволна количина течности, за да се надокнади нивната загуба и да се спречи опасноста од дехидрација. Доколку е можно, најдобро е да се избегнуваат антиеметиците и антидијареалните лекови, затоа што сепак се работи за вулнерабилна категорија на лица, кај кои овие лекови може да дадат несакани ефекти.

Од оваа година вакцината против ротавирус е достапна и во Македонија како дел од редовниот календар на имунизација. Се работи за орална вакцина која децата ќе ја примаат на 2, 4 и 6 месечна возраст и не е препорачана за постари деца

ИМУНИЗАЦИЈА Вакцината против ротавирус е влезена во редовниот календар на имунизација

Според истражувањата, во светот повеќе од 2 000 000 деца помали од 5 години се хоспитализираат поради гастроентероколит предизвикан од ротавирус, а од нив 500-527 000 умираат од оваа болест. За да се намалат овие бројки, во 2007 година, отпочната е национална програма за вакцинација против ротавирус, со која бројката на хоспитализации на дечиња заболени од него се намали на 7000.

Од оваа година, оваа вакцина е достапна и во Македонија и влезе во редовниот календар на имунизација. Се работи за орална вакцина која децата ќе ја примаат на 2, 4 и 6 месечна возраст и не е препорачана за постари деца.