ПИШУВА:
Д-р Маја Ангелеска
специјалист педијатар
♦♦♦♦♦♦♦
Доењето овозможува создавање на една посебна врска меѓу мајката и детето, која не би можела да се направи на ниеден друг начин. Тоа е еден од најефикасните начини за да се обезбеди здравјето и преживувањето на децата. Сепак, скоро 2 од 3 новороденчиња не се ексклузивно доени за препорачаните 6 месеци – стапка која не е подобрена во последните две децении.
Доењето е идеална храна за новороденчиња. Мајчиното млеко е безбедно, чисто и содржи антитела кои овозможуваат заштита од многу болести. Мајчиното млеко ги обезбедува целата енергија и хранливите материи што му се потребни на новороденчето за првите месеци од животот, и продолжува да обезбедува до половина или повеќе од потребите за исхрана на детето во текот на втората половина на првата година, а до една третина во текот на втората година на живот.
Антителата од мајката кои се пренесуваат преку млекото, обезбедуваат поголема отпорност на инфекции, како што се респираторните вируси. Оваа заштита не може да се спореди со млечната формула
Сепак, според Светската здравствена организација, преголемиот маркетинг на адаптираните формули на млеко, ги поткопува напорите за подобрување на стапките на доење и неговото времетраење во целиот свет.
Многу медицински експерти, вклучувајќи ја и Американската академија за педијатрија (ААП) и Американскиот колеџ за акушери и гинеколози, силно препорачуваат ексклузивно доење во првите 6 месеци од животот на детето, тоа значи без додаток на формула, сок или вода. И доење најмалку една година, комбинирано со друга храна – зеленчук, овошје, житарици, протеини, која би се вовела после 6. месец.
Но и покрај се ова одлуката за доење е лична работа на мајката, пред се, но исто така влијание има и најблиската околина т.е пријателите и семејството.
Кои се бенефитите од доењето за детето?
Додека жената е бремена, нејзиното тело подготвува специјална мешавина на хранливи материи за да ги задоволи потребите на бебето, а тоа е колострумот (првото мајчино млеко) кое е совршена почетна храна за бебето. Оваа жолтеникава, кремаста супстанца се наоѓа во градите за време на бременоста и неколку дена по породувањето и ја обезбедува целата исхрана на бебето веднаш по раѓањето. Исто така, обезбедува важна заштита од бактерии и вируси затоа што е многу богато со имуноглобулини.
Колострумот делува како природен лаксатив (нешто што го олеснува празнењето на дебелото црево) за да се исчисти мекониумот (темната леплива столица што се прави додека е бебето во матката).
После неколку дена колострумот постепено се заменува со зрелото млеко кое претставува скоро совршена мешавина на вода и хранливи материи (минерали, витамини, шеќери, протеини, масти, антитела и ензими) – се што е потребно за овозможување на правилен раст и развој на мозокот и телото на бебето.
Како што старее бебето, се менува и млекото и по количина и по состав, се со цел за да ги задоволи неговите потреби за исхрана.
Доењето во некои студии е поврзано со повисоки IQ резултати во подоцнежното детство.
Додека жената е бремена, нејзиното тело подготвува специјална мешавина на хранливи материи за да ги задоволи потребите на бебето, а тоа е колострумот (првото мајчино млеко) кое е совршена почетна храна за бебето. Оваа жолтеникава, кремаста супстанца се наоѓа во градите за време на бременоста и неколку дена по породувањето и ја обезбедува целата исхрана на бебето веднаш по раѓањето. Исто така, обезбедува важна заштита од бактерии и вируси затоа што е многу богато со имуноглобулини
Уште повеќе, физичката блискост, допирањето кожа на кожа и контактот со очите, сето тоа му помага на бебето да се поврзе со мајката и да се чувствува сигурно.
Доенчињата кои се на мајчино млеко можат да се хранат кога ќе посакаат без опасност од дебелеење, што не е исто со доенчиња кои се на адаптирани формули, каде е потребно дозирање на млекото по количина и на одреден временски интервал, заради опасноста од прекумерна тежина. Се смета и дека го намалува ризикот од појава на дијабетес.
ААП вели дека доењето, исто така, игра улога во спречувањето на СИДС (синдром на ненадејна смрт на новороденче).
Антителата од мајката кои се пренесуваат преку млекото, обезбедуваат поголема отпорност на инфекции, како што се респираторните вируси. Оваа заштита не може да се спореди со млечната формула која не содржи човечки антитела.
Мајчиното млеко брзо се апсорбира и предизвикува помалку вознемиреност во стомакот, запек и дијареја отколку формулата.
Бебињата кои се дојат имаат помала веројатност да развијат алергии, помала можност за инфекции на ушите, Кронова болест и улцеративен колитис подоцна во текот на животот
Доењето може да ја намали можноста за појава на рак на детска возраст, како што се лимфомите.
Доењето го подобрува развојот на оралните мускули и коските на лицето.
