Бременоста е еден од највозбудливите периоди во животот на жената, но како точно да знаете дека сте бремени пред да направите тест? Постојат неколку рани знаци кои се всушност симптоми на бременост и може да се појават уште во првите неколку недели по зачнувањето. Иако симптомите може да се разликуваат од жена до жена, некои се универзални и лесно препознатливи.
Препознавањето на симптомите на бременост е важен чекор во планирањето и подготовката за претстојното родителство
Првите симптоми на бременост
Еден од најчестите симптоми на бременост е отсуството на менструација. Овој знак често е првиот аларм што укажува на можна бременост. Сепак, постојат и други, помалку очигледни симптоми кои може да укажуваат на тоа дека можеби сте бремени.
Замор: Бременоста бара многу енергија, дури и во раните фази. Многу жени чувствуваат зголемен замор и потреба за повеќе сон.
Гадење и утринска мачнина: Често споменатиот симптом на бременост, познат како утринска мачнина, може да се појави во секое време од денот. Не е невообичаено жените да чувствуваат мачнина дури и при помислата на одредени видови храна.
Промени во апетитот: Зголемувањето или намалувањето на апетитот е исто така чест симптом на бременоста. Невообичаените желби за храна или одбивноста кон храната што некогаш сте ја сакале може да бидат рани знаци.
Многу жени имаат интересни приказни поврзани со раните симптоми на бременост. За некои мирисот на кафе, кој порано го обожавале, одеднаш им станал неподнослив. Постарите велат дека тоа е еден од првите знаци на бременост, но не мора секогаш да биде така. Ниту е задолжителен, ниту пак се јавува кај сите.
Друга интересна работа е тоа што кај жените се развива силна желба за слатко или кисело. И тоа не е правило, исто како што ни тоа дека икањето го одредува плодот, дека позаоблените жени треба да се спремаат за девојче…
Важно е да го слушате вашето тело
Препознавањето на симптомите на бременост е важен чекор во планирањето и подготовката за претстојното родителство. Ако забележите некој од овие симптоми на бременост, можеби е добра идеја да направите тест за бременост или да го посетите вашиот лекар за потврда и совет за следните чекори. Секоја бременост е единствена, а симптомите може многу да се разликуваат. Најважно е да бидете во контакт со вашето тело и да побарате стручна помош кога е потребно.
