Кога дете многу се поти тоа значи дека има одлична терморегулација. Потењето е механизам со кој организмот се ослободува од прекумерната топлина. Дете кое обилно се поти, потешко ќе се прегрее и ќе добие, на пример, топлотен удар на жешко време, во споредба со она кое помалку се поти.
-
Ако детето се поти додека спие, прво проверете да не е едноставно претопло во просторијата. Температурата за спиење треба да биде 16-20 степени Целзиусови, најдобро околу 18 степени.
-
Дали детето е премногу облечено или покриено?
-
Дали станува збор за дебело дете? Тие повеќе се потат.
Доколку се од наведеното сте го отфрлиле, проверете дали детето има зголемена температура, и дали има уште некои од симптомите кои би укажувале на некои банални болести кои се чести во детството.
Иако обилното потење е честа појава кај сосена здраво дете, кај некои деца сепак постои сериозна причина за тоа, како што е туберкулоза, проеметување на функцијата на штитната жлезда или малигнитет.
Значи, ако имате дете кое од раѓање со текот на годините повеќе се поти, а расте и се развива нормално, и нема изглед на болно дете – веројатно е во прашање здраво дете.
Доколку потењето е нов симптом кој се појавил кај детето, а не изгледа болно, еве о кои случаи е потребно да се јавите кај педијатар:
- Детето одеднаш почнува да се поти повеќе од вообичаеното
- Потењето го пореметува дневното функционирање на детето
- Детето има необјасниво ноќно потење
