Сега детето има 31 месец и спиењето може да стане борба за опстанок, како ноќното, така и дневното. Но, бројните физички активности во текот на денот би можеле да го решат тој проблем.
Што сега прави?
Детето може сосема добро и само да се храни, и нередот нема да биде така страшен како досега.
Плишаните играчки животни може да станат вистински глумци, а особено ако ги знае вистинските звуци што ги произведуваат. Зошто не би направиле мала куклена претстава, која ќе ја снимите и заедно ќе ја гледате.
Играта на улоги станува се поважна во животот на детето кое има 31 месец. Имено, станува се посвесно дека тоа е ЈАС, но исто така може со преправање да стане и некој друг.
Како комуницира?
Помнењето му е толку развиено, што може да помни случки кои ги доживеало и подоцна за нив да зборува со вас. Исто така, може да ги категоризира работите, и знае на пример дека коњот е животно.
Она што може најмногу да ве изненади е неговото сеќавање за некои “неважни“ работи, како сеќавањето каде тато точно става бензин во автомобилот. Ако му дадете прилика и сте во безбедно опкружување, замолете го детето да ви го покаже патот до дома. Ќе се изненадите!
Како може да помогнете?
Дозволете му да превземе одговорност за извршување на некои работи пред вие да му кажете, на пример за расчистување на играчките, облекување на одредена облека или за јадење, иако ќе морате повремени да го потсетувате на нив.
Одговорноста и обврските може да се научат низ игра, а воедно ќе станат и помалку “напорни“.
