Детето не мора да биде на строга диета како што се препорачуваше пред една или децении: ориз, двопек… Докажано е, имено, дека ваквата диета не го скратува времетраењето на дијарејата и не влијае добро врз оздравувањето на детето
Појавата на дијареја кај бебињата и децата често ги загрижува родителите. Почнуваат да се истражуваат можните причини, се бараат други симптоми, и сето тоа додека се обидувате истата таа дијареја да ја држите под контрола. Но, кога дијарејата и коронавирусот ќе се спомнат во иста реченица, тогаш се вклучува алармот.
Она што е сосема сигурно е дека коронавирусот се вовлече во секоја пора од нашиот живот. Како да не е доволно тоа што најчестите симптоми потсетуваат (или барем звучат така) на малку посилна настинка, па на крајот на летото дознавме и дека кај децата најчест прв симптом на инфекција со коронавирус е дијарејата. Докази за тоа добија британските научници за време на истражувањето во кое учествувале 1.000 деца.
Ако дијарејата се појави во комбинација со треска, вашиот лекар може да ве испрати на тестирање за коронавирус. Засега не е познато колкав процент од децата го пренесуваат вирусот, но и „обична“ дијареја е многу заразна, особено ако родителите го испраќаат болното дете во колектив. Покрај дијарејата, симптом на коронавирусот е и повраќање и треска (дури и почеста од првите две).
Дијарејата кај бебињата и децата, во секој случај, нè потсетува на првото и основно правило кога станува збор за вирусите: мијте ги рацете! Ова е особено важно по посета на тоалет, односно по промена на пелена кај бебето. Играчките и површините треба да се дезинфицираат што е можно почесто во колективите, бидејќи вирусите лесно се пренесуваат преку површини што децата често ги допираат.
Без оглед која е причината за дијарејата, две работи се важни:
- Детето мора да пие доволно вода за да не дехидрира;
- Од исхраната треба да се отстранат шеќерите, па дури и овошјето – освен јаболката и бананите.
Детето не мора да биде на строга диета како што се препорачуваше пред една или децении: ориз, двопек… Докажано е, имено, дека ваквата диета не го скратува времетраењето на дијарејата и не влијание добро врз оздравувањето на детето. Би било добро детето да ги надомести електролитите, кои се губат поради дијарејата, со рехидрациски раствори.
Кај најмалите бебиња не е потребно да се дава дополнителна вода, туку треба да се продолжи со доењето, без оглед на зачестеноста на дијарејата.
