Д-р Санда Стојановиќ-Стипиќ од Сплит, во изјава за ХРТ ја коментира актуелната ситуација со Ковид-19.
„Во последните две недели ситуацијата во КБЦ Сплит е многу полоша од порано. Имаме голем број пациенти, од кои околу 50 континуирано се на Одделението за интензивна нега за Ковид. Денес има нешто помалку луѓе на респиратори, 39“, вели Санда Стојановиќ-Стипиќ, раководител на Клиниката за анестезиологија и интензивно лекување при Универзитетскиот болнички центар во Сплит.
На Ковид-одделите доминираат луѓе кои не се вакцинирани, повеќе од 80% од пациентите се невакцинирани, повеќето се постари, но има и исклучоци, помлади пациенти, вели д-р Стојановиќ-Стипиќ
„Омикрон не се покажа онаков каков што се надевавме дека ќе биде, дека ќе донесе благи клинички слики и дека тие пациенти нема да бараат интензивно лекување“, рече Санда Стојановиќ-Стипиќ за ХРТ.
На Ковид-одделите, рече таа, доминираат луѓе кои не се вакцинирани, повеќе од 80% од пациентите се невакцинирани, повеќето се постари, но има и исклучоци, помлади пациенти.
„Пред неколку дена имавме и една родилка, одличната вест е што денеска успеавме да ја одвоиме од респиратор. Никој не е поштеден од оваа страшна болест“, додава докторката.
„Можеби тоа е нашиот менталитет. Како што ние сме упорни во лекувањето на пациентите, така и нашите сограѓани се упорни да не ги почитуваат епидемиолошките мерки и да не се вакцинираат“, вели д-р Санда Стојановиќ-Стипиќ, а пренесува „Индекс“.
