Мајки од Сицилија, отишле да се породат во исто родилиште на 31 декември 1998 година. Но, во текот на прославата за Нова Година во болницата била направена неверојатна грешка. Нивните бебиња Катерина Алагна и Мелиса Фодера биле заменети.
Кога требало да излезат од родилиштето, болничкиот персонал им ги донел бебињата, а двете мајки биле зачудени бидејќи девојчињата не биле во облеката што тие им ја подготвиле за излегување од болница. Но, ги увериле дека се е во ред и дека само дошло до замена на облеката. Три години подоцна, кога Маринела Алагна отишла во градинка по својата ќерка, го забележала девојчето Катерина, кое многу личело на нејзините други две ќерки. Кога дознала дека мајка на девојчето е таа иста жена со која била во породилиштето, почнала да се сомнева дека во болницата им биле заменети децата.
“Ја препознав мајката на Катерина, Гизела Фодера и станав сомничава. Две недели подоцна направивме ДНК тестови и не можев да верувам кога ги видов резултатите. Беше премногу надреално, премногу невозможно“, вели Маринела Алагна.
Жените биле во безизлезна ситуација – како некому да му се даде дете кое си го засакал и се се грижел за него три години? Мајките се одлучиле на еден необичен чекор, но тогаш тоа за нив било единственото решение. Двете семејства се преселиле во иста куќа за раздвојувањето да помине што безболно.
Додека растеле, девојките се зближиле како близначки. Семејствата го поминувале слободното време заедно, заедно славеле родендени, а девојките ги поминувале викендите заедно.
“На почетокот, чувствував дека ја сакам Мелиса, мојата биолошка ќерка, но паралелно се чувствував како да ја изневерувам ќерката која ја пораснав. Беше многу збунувачки, но денес Мелиса и јас навистина се чувствуваме како мајка и ќерка“, вели Фодера.
Мелиса (десно) и Катерина (лево) дознале за замената на возраст од осум години, но тоа сознание го прифатиле многу нормално.
“Се чинеше како игра, а денес ниту една од нас не се сеќава на животот од пред својата терта година“, вели Мелиса и додава: “Додека растев, Маринела ми беше втора мајка, како што е и денес.
Двете девојки сега решија да ја споделат својата приказна во документарен филм базиран на книгата “Сестри засекогаш“. Авторот на книгата Мауро Капоричио вели: “Девојчињата ефективно пораснаа со четворица родители и осум баби и дедовци, а експериментот успеа“.
