Никој не може да донесе толку радост во животот на еден родител како неговото дете, но никој друг не може така лесно да го извади од такт. Родителите понекогаш може да се чувствуваат виновни затоа што ја губат контролата и стануваат фрустрирани откако ќе им викаат на своите деца. Тие би сакале да го повлечат својот испад бидејќи не замислувале дека така ќе комуницираат, ниту дека ќе им даваат лош пример на децата.
Иако е разбирливо да дојде до зголемување на тонот од време на време, ако родителите често им викаат на своите деца, Националниот институт за здравје тврди дека тоа може да доведе до тоа децата да станат поагресивни со текот на времето.
Ова не е единствениот проблем, бидејќи честото викање може да доведе до тоа децата да се навикнат на тоа и да почнат да обрнуваат помалку внимание на предупредувањата од родителите. Иако родителите можеби мислат дека постигнуваат цел со тоа што зборуваат погласно, децата стануваат се поимуни на забелешките. Со текот на времето заклучуваат дека викањето е дел од нормалната рутина на животот и дека лутината треба да се изразува на тој начин.
Обрнете внимание на тоа што им викате
Институтот за семејни студии препорачува да се направи табела за викање. На овој начин, родителите би можеле точно да знаат што викаат и каков е исходот од зголемените тонови. Табелата ќе им помогне на родителите да видат колку често всушност викаат на вообичаеното однесување. Признавањето на постојаното викање ќе им помогне на родителите да допрат до своите деца и да најдат други начини да комуницираат со нив, што на крајот ќе доведе до посреќна и порелаксирана атмосфера за целото семејство.
Препознајте ги вашите тригери
Тригерите обично се некој минат настан. Но, ако родителите станат свесни за нивните предизвикувачи или тригери, тие можат да работат на тоа да не дозволат овие негативни чувства да ги надминат.
Родителите можат да ги препознаат нивните предизвикувачи со тоа што ќе се однесуваат кон своето дете со сочувство. Тоа значи дека без оглед на однесувањето кое вообичаено предизвикува појава на гнев или фрустрација и на крајот викање, тие се обидуваат да откријат зошто децата постапуваат на одреден начин, што ќе им помогне да ја смират ситуацијата.
Кога ситуацијата конечно ќе се смири, тригерот повеќе не е присутено, а желбата за викање сама ќе исчезне.
Препознајте кое однесување е нормално за возраста на детето
Во односот меѓу родителите и децата често се присутни нереални очекувања, а тоа може да биде извор на голема фрустрација, што може да доведе и до непотребно подигнати тонови во комуникацијата и воспитувањето.
Според експертите, знаењето што е нормално развојно однесување за одредена возрасна група може да им помогне на родителите да проценат дали нивните очекувања се реални или не.
Земете пауза
Ако сè друго не успее, земањето време за одмор од ситуацијата може да им помогне на родителите да го надминат својот гнев, лутина и фрустрација кон своите деца и да дозволат тие чувства да исчезнат.
