Студија објавена во списанието PLOS ONE анализирала повеќе од пет милиони породувања во периодот помеѓу 2004 и 2015 година, и е откриено дека 28.5 проценти од бебињата се раѓаат помеѓу 09:00 и 16:50 во работни денови, додека 71.5 проценти од породувањата се случиле за време на викенд или празници помеѓу 17:00 и 08:59.
Однапред договорени породувања со царски рез чинеле 9.2 отсто од породувањата и повеќето се случувале во работни денови помеѓу 09:00 и 11:59.
Индуцираните породувања, кои чинат повеќе од една петина од вкупниот број на породувања, поверојатни се околу полноќ во вторник и сабота, како и во деновите кои претходат на државните празници. Најмалку породувања се забележани на Божиќ и ден потоа.
„Моето долгогодишно искуство покажува дека породувањата без интервенција, најверојатно се случуваат навечер или во раните утрински часови. Тоа е можеби дел од нашето еволуциско наследство. Нашите претци живееле во групи кои биле активни во текот на денот, а навечер одморале. Значи, ноќните породувања на мајката и новороденчето веројатно му обезбедувале одредена заштита“, вели главниот автор на студијата, д-р Питер Мартин.
