Болеста на рацете, стапалата и устата е всушност вирусна инфекција која, како што сугерира името, се појавува во устата, на нозете и стапалата на децата. Станува збор за едно од најчестите вирусни заболувања во градинките, а најчесто се јавува кај деца помлади од пет години. Во повеќето случаи се јавува токму кај децата од градинка бидејќи се пренесува со валкани раце, кашлање и кивање или преку предмети загадени со вирусот.
Периодот на инкубација на вирусот е многу краток, и поради тоа, болеста често се јавува во мали епидемии во детските колективи. Детето е најзаразно во првата недела од болеста и во тој период детето не смее да биде во колектив, а во градинките при појавата на првиот случај на оваа болест се заоструваат мерките за општа и лична хигиена.
Кога детето ќе развие симптоми, најважно е веднаш да се јавите кај педијатар за да се постави дијагноза и да се спроведе соодветен третман.
Токму поради болните плускавци на јазикот, непцата и во внатрешноста на образите, детето често знае да одбие храна, што најчесто е знак за родителот дека може да се работи за оваа заразна болест. Покрај тоа што детето не сака да јаде и да пие, детето ќе се лигави и повеќе од вообичаено, а генерално ќе биде многу раздразливо и плачливо
Според ЦДЦ, постојат неколку симптоми кои јасно укажуваат дека се работи за вирусна инфекција. Тоа се:
- покачена температура (прв симптом),
- намален апетит,
- воспалено грло,
- болни и црвени плускавци на јазикот, непцата и во внатрешноста на образите,
- осип на телото без чешање.
Станува збор за едно од најчестите вирусни заболувања во градинките, а најчесто се јавува кај деца помлади од пет години
Токму поради болните плускавци на јазикот, непцата и во внатрешноста на образите, детето често знае да одбие храна, што најчесто е знак за родителот дека може да се работи за оваа заразна болест. Покрај тоа што детето не сака да јаде и да пие, детето ќе се лигави и повеќе од вообичаено, а генерално ќе биде многу раздразливо и плачливо. Симптомите на болеста обично траат од седум до 10 дена, а во ретки случаи со вирусот може да се заразат и родителите.
Со оглед на тоа дека предизвикувачкиот агенс е вирус, на заболените деца им се дава само симптоматска терапија која ја намалува температурата и болката, како и совет за консумирање ладни пијалоци кои ја ублажуваат болката во грлото и устата.
