Не е важно дали станува збор за градинка или игротека – се чини дека децата ги собираат сите вируси и бактерии каде и да се најдат. За родителите кои се борат со чести настинки и кашлање кај децата, секоја покана за игра може да изгледа како покана за нова инфекција.
Истражувањата покажуваат дека децата кои посетуваат градинка имаат пет до седум инфекции на горните дишни патишта (настинка, течење на носот, кашлање) предизвикани од вообичаени вируси секоја година. Овие инфекции најчесто се јавуваат помеѓу септември и мај.
За родителите кои се борат со чести настинки и кашлање кај децата, секоја покана за игра може да изгледа како покана за нова инфекција
„Инфекциите се јавуваат кај нормални, здрави деца со нормален имунолошки систем во просек секој или секој втор месец во годината“, објаснува д-р Ли Гросман за „Motherly“.
За тоа не се виновни родителите, како ни градинките и училиштата.
„Тоа е сосема нормална појава. Да, застрашувачки е за родителите постојано да се борат со кашлица, течење на носот, затнат нос, треска или други симптоми што доаѓаат со болеста. Тоа е закана и за возрасните, кои може да се разболат од истите тие бактерии. Меѓутоа, овие инфекции се нормален дел за зајакнување на имунитетот, а ние возрасните ги имаме поретко затоа што како деца сме воспоставиле силна имунолошка функција“, вели д-р Гросман.
Повеќето од овие вирусни инфекции примарно се лесни болести и не се опасни по живот. Ако детето има температура, посериозни респираторни проблеми или е премногу болно за вообичаените активности, треба да се консултира педијатар за методите на лекување.
Истражувањата покажуваат дека децата кои посетуваат градинка имаат пет до седум инфекции на горните дишни патишта (настинка, течење на носот, кашлање) предизвикани од вообичаени вируси секоја година. Овие инфекции најчесто се јавуваат помеѓу септември и мај
„Некои од овие благи вирусни инфекции можат да претходат на инфекција на увото, пневмонија, па дури и инфекција на крвта. Меѓутоа, овие секундарни бактериски инфекции после вирусна болест не се чести. Вообичаено е детето да има настинка што треба да исчезне, но ако симптомите траат повеќе од седум до десет дена, а родителот забележи пораст на температурата, отежнато дишење, повраќање, зголемена непријатност, болка или други симптоми, треба да отиде кај педијатар за точна дијагноза. Можно е дека сега на детето ќе му треба антибиотици за лекување“, вели докторката.
Добрата вест е што секое од детските вирусни заболувања е еден вид „вакцина“ за вашето дете и дополнително го штити од микробите што се неизбежни.
„Како што децата стареат, нивниот имунолошки систем станува поразвиен и имаме помалку вирусни заболувања. Сите сме го преживеале тоа, па и они ќе го надминат“, заклучува д-р Гросман.
