♦♦♦♦♦♦♦
Пред нас е сезоната на грип, а со оглед на тоа што целиот свет се уште се справува со предизвиците кои ги носи COVID-19, лекарите ќе треба да обрнат посебно внимание на симптомите за да можат да разликуваат која болест кај кој пациент е во прашање.
Главната дилема е што може да се случи кога грипот и COVID-19 ќе нападнат истовремено. Иако овој феномен допрва треба да биде детално проучен, некои експерти се загрижени дека истовременото постоење на грипот и COVID-19 може да го зголеми товарот врз имунoлошкиот систем, да ги влоши симптомите и да го отежне оздравувањето
Грипот, разните сезонски вируси и коронавирусот често делат почетни симптоми кои можат да вклучуваат кашлица, треска, замор и болки во мускулите. „Ќе бидеме тотално збунети“, предвидува Арнолд Монто, епидемиолог на Универзитетот во Мичиген.
До денес, COVID-19 има еден главен вообичаен симптом, вели Монто, а тоа е карактеристичното губење на вкусот и мирисот. Повеќе од 85 проценти од пациентите го пријавиле овој симптом во неодамнешното европско истражување на 417 лица со лесни до умерени случаи на болеста.
Грипот, разните сезонски вируси и коронавирусот често делат почетни симптоми кои можат да вклучуваат кашлица, треска, замор и болки во мускулите
Но, и луѓето кои заболеле од грип или силна сезонска настинка и затнат нос, исто така, можат да го изгубат сетилото за мирис. Овој симптом се разликува кај COVID-19 по тоа што загубата е ненадејна и подлабока – влијае дури и на способноста за разликување слатко од горчливо – и може да се појави и без затнат нос, рече Карл Филпот, експерт за уши, нос и грло од Универзитетот East Anglia.
Филпот е еден од авторите на студијата спроведена на над 30 лица кај кои било тестирано сетилото за вкус и мирис. COVID-19 бил дијагностициран кај првите десет лица, кај другите десет – тешка настинка, а останатите десет ја сочинувале контролната група.
Едноставен тест за домашна варијанта – Врз основа на спроведената студија, Филпот додава дека луѓето кои немаат пристап до конвенционални тестови можат да направат едноставен тест во своите домови со мирисање на производи како што се кафето и портокалите.
Диспнеја или отежнато дишење е еден од поретките симптоми на COVID-19 и тој е, покрај губењето на мирис и вкус, уште еден симптом што го разликува COVID-19 од грипот, според Американскиот центар за контрола и превенција на болести.
Грипот, разните сезонски вируси и коронавирусот често делат почетни симптоми кои можат да вклучуваат кашлица, треска, замор и болки во мускулите
Истражувачите навеле дека овој симптом се појавил кај 50 проценти од тешко болните пациенти, а обично се појавува околу една недела по почетокот на инфекцијата и најчесто сигнализира сериозен респираторен проблем.
Но, имајќи ги предвид и сите други симптоми што ги делат грипот и коронавирусот, лекарите ќе имаат мака да ги разликуваат овие болести.
„Нема шанси лекарот со сигурност да разликува едно од друго“, вели Пол Сакс, клинички директор на Одделот за инфективни болести во Brigham and Women’s Hospital во Бостон.
Проверените антивирусни лекови, одобрени од Управата за храна и лекови, можат да се борат против грип и слични болести, иако се немоќни против COVID-19. Но, пациентите со COVID-19 треба да бидат ставени во карантин што е можно побрзо, со оглед на тоа што коронавирусот во просек е речиси двојно позаразен од грипот. Покрај тоа, луѓето заразени со COVID-19 можат да бидат заразни приближно двојно повеќе од оние со грип, поради што е потребно што побрзо да се утврди од што точно страдаат пациентите.
COVID-19 е исто така десетина пати посмртоносен од грипот, како што забележа Ентони С. Фаучи, директор на Националниот институт за алергија и заразни болести.
За само шест месеци, повеќе од 182.000 Американци починале од COVID-19, во споредба со меѓу 12.000 и 61.000 смртни случаи годишно од грип, според CDC.
Напад во исто време
Главната дилема е што може да се случи кога грипот и COVID-19 ќе нападнат истовремено. Иако овој феномен допрва треба да биде детално проучен, некои експерти се загрижени дека истовременото постоење на грипот и COVID-19 може да го зголеми товарот врз имунoлошкиот систем, да ги влоши симптомите и да го отежне оздравувањето, пишува „Вашингтон пост“.
На што треба да се внимава
Грипот и COVID-19 делат толку многу симптоми што лекарите очекуваат дека ќе биде навистина тешко да се разликуваат во претстојната сезона на грип. Според Американскиот центар за контрола и превенција на болести, ова се главните симптоми на обете болести, иако нема секој пациент да ги има сите симптоми:
ГРИП
- треска
- кашлица
- болки во грлото
- затнат нос
- болка во мускулите или телото
- главоболка
- замор
- повраќање и дијареја
COVID-19
- треска
- кашлица
- краток здив или отежнато дишење
- замор
- болки во мускулите или телото
- главоболка
- губење на сетилото за вкус или мирис
- болка во грлото
- течење на носот
- гадење или повраќање
- дијареја
Што советува CDC
Ако мислите дека сте заразени со коронавирус, се препорачува да останете дома, освен ако имате потреба од лекарска помош.
Останете во контакт со вашиот лекар и јавете му се пред да одите во ординација. Одморете се и останете хидрирани.
Избегнувајте јавен превоз, споделување на возења или такси. Но, веднаш јавете се на вашиот лекар ако вие или некој што го познавате покажува кој било од овие симптоми:
- потешкотии со дишењето
- болка или притисок во градите
- збунетост
- неможност да се разбудите или да останете будни
- посинети, модри усни или лице
