Сигурни сме дека ќе го гушнете вашето дете неколку пати во текот на денот и дека нема потреба некој да ви каже затоа што едноставно го сакате и имате потреба да го прегрнете. Меѓутоа, не е лошо ако знаете како прегратките влијаат на детето, како тоа се чувствува кога го прегрнувате и зошто му требаат токму 12 прегратки дневно.
Секако дека можеме да живееме без прегратки, тоа не е баш предуслов за дишење, исто како што не се и бакнежите. Но, дали можете да го замислите животот без прегратки, особено без прегратки со вашите малечки?
Прегратките се важни за здравјето,ментално и емоционално, а научно е докажано дека имаат големо влијание врз мозокот. За време на гушкањето се ослободува хормон одговорен за благосостојба, а еве зошто е важна „дозата“ од 12 прегратки дневно.
„Потребни ни се четири прегратки за да преживееме. Осум прегратки дневно за одржување на здравјето и 12 прегратки на ден за да растеме“, изјави познатата американска психотерапевтка Вирџинија Сатир. Значи, бидејќи детето расте, нему му се потребни 12 прегратки дневно.
Прегратките на детето му обезбедуваат емоционална стабилност и добро влијаат на неговото ментално здравје, така што веројатно не можете да претерате, а еве како се чувствуваат децата кога ги гушкате:
- Се чувствуваат сакано
- Чувствуваат сила
- Се чувствуваат безбедно
- Прегратката ја подобрува нивната самодоверба
- Чувствуваат среќа
Несомнено, постојат многу причини зошто е добро да го гушкате вашето дете секој ден и тоа не само еднаш дневно. Одвојте неколку моменти за тоа и не дозволувајте да помине ниту еден ден без да ги држите цврсто во вашата прегратка, каде што ја чувствуваат сета ваша топлина, љубов и сигурност.
