ПИШУВА:
Катерина Шекеровска-Димовска
katerina@pedijatar.mk
Порталот Педијатар.мк денеска прославува 5 години постоење. Се започна во едно ноемвриско попладне во 2018 година, кога екипата предводена од Славе Цветаноски, тим лидер и уредник, Александар Костадиновски, главен и одговорен уредник, д-р сци. Александар Сајковски, главен медицински уредник и Катерина Шекеровска-Димовска, новинар, уредник и водител, ја преточија во реалност идејата за портал наменет за сеопфатно информирање на родителите, но и на педијатриската јавност, преку првиот клик на веб-страницата Педијатар.мк. Растевме заедно со Вас во изминатите 5 години, а најбитна мисла која не водеше сиве овие години и ќе не води и понатаму е ДЕТЕТО и неговата БЛАГОСОСТОЈБА. Истовремено, горди сме и благодарни на сите наши педијатри и доктори од различни специјалности, тесно поврзани со проблематиките од детската возраст, кои со својата реч и стручност придонесуваат во правилно информирање на јавноста, засновано единствено на медицината базирана на докази. И понатаму остануваме отворени за сите, а истовремено продолжуваме да ги следиме и пренесуваме насоките на најрелевантните медицински институции, организации, академии, истражувачки центри, клиники… Сè во интерес на нашето најголемо богатство и смисла на животот – ДЕЦАТА!
Педијатар.мк е портал со кој може да се гордее секој педијатар во нашата држава, но и сите оние кои се непосредни читатели и учесници. Ова е портал кој ја отвора чистата мисла, искреноста и релевантноста на педијатријата како наука, вели Д-Р СЦИ. АЛЕКСАНДАР САЈКОВСКИ, СПЕЦИЈАЛИСТ ПЕДИЈАТАР – НЕОНАТОЛОГ во интервју по повод 5. РОДЕНДЕН НА ПЕДИЈАТАР.МК.
Првите 5 се најважни на свет – од раѓање до 5-годишна возраст, мозокот на детето се развива повеќе и побрзо отколку во кое било друго време во животот – тоа е период кога се поставуваат темелите за учење, здравје и однесување во текот на животот. Ако Педијатар.мк во 2018 година беше новороденче – сега полни 5 години. Дали го положивме тестот на првите 5 години?
Д-Р СЦИ. САЈКОВСКИ: Пред се, би сакал најискрено да и честитам на целата екипа на Педијатар.мк за овој раст и развој и оваа 5-годишна еволуција. Како што во педијатријата милуваме да кажеме дека првите 1000 дена се круцијални за натамошниот живот на едно дете односно една индивидуа, така би сакал да ви честитам и да одговорам директно на Вашето прашање: Да, не само што го положивте тестот туку станавте релевантен портал кој е гордост на нашата педијатриска мисла. Се чини дека клучните развојни елементи кај едно дете, пред се, развојот на централниот нервен систем и процесот на мијелинизација на истиот, во порталот поминаа како да примате високи дози на омега-3 масни киселини. По мое лично мислење ова е портал со кој може да се гордее секој педијатар во нашата држава, но и сите оние кои се непосредни читатели и учесници. Ова е портал кој ја отвора чистата мисла, искреноста и релевантноста на педијатријата како наука. Уште еднаш честитки до целиот тим и ви посакувам успешна натамошна работа во процесот на медицинска едукација поставена на медицина базирана на докази.
Околу 8.500 објавени текстови на теми кои ги засегаат родителите, поделени во неколку рубрики кои ги обработуваат здравствените проблеми и состојби со кои се соочуваат децата, напишани од врвни експерти во својата област, совети и рецепти за здрава исхрана, нега, соочување со предизвици кои ги носи родителството, симптоми и се она што е поврзано со правилен раст и развој на децата е дел од петгодишното постоење на Педијатар.мк и остварување на целта за сеопфатно информирање на родителите, но и на педијатриската јавност. Што е она што е за Вас највпечатливо на порталот?
Д-Р СЦИ. САЈКОВСКИ: Иако ги имам прочитано сите текстови кои се досега објавени се изненадив од нивниот квантум иако лично не сум ги броел, но објавување на толку маркантен број на текстови уште еднаш ја потенцира спецификата на педијатријата како медицинска наука и широкиот спектар на нејзината дејност. Она што мене лично ми остава најголем впечаток е дека текстовите од медицински аспект се објавувани од најрелевантните педијатри од примарната, секундарната и терцијарната заштита во државата, дека новинарската мисла е впечатливо чиста и искрена и базирана на реална медицинска вистина. Мислам дека најголемата тежина на овој портал лежи во симбиозата на менаџерската, новинарската и медицинската екипа кои заедно како една целина ја покажуваат целата љубов која ја имате кон здравјето на децата. Децата, кои се инаку најголемото богатство на нашата планета. Тука би сакал да ја споменам мислата на еден од најпознатите предвремено родени историски личности, на Алберт Ајнштајн: „Постојат два начина како да го живеете својот живот. Едниот е да мислите дека ништо не е чудесно. А, другиот е да мислите дека се е чудесно.“ Вие детството го направивте да биде таму каде што му е местото, да биде чудесно.
Во изминатите пет години имаме исклучителна соработка со сите педијатри од земјава, а Педијатар.мк и понатаму останува отворен за соработка како со домашните, така и со педијатрите од регионот и пошироко. Секојдневно ги следиме и пренесуваме насоките на Американската академија за педијатрија, СЗО, УНИЦЕФ, NHS, Американскиот центар за превенција и контрола на болести и други релевантни извори кои се засновани на медицината базирана на докази. Се потпирате ли и Вие на Педијатар.мк како Ваш информатор кога станува збор за областа на педијатријата?
Д-Р СЦИ. САЈКОВСКИ: Иако мислев дека ја знам целата педијатрија и следењето на вашиот портал ми беше освежување на знаењата, сепак и јас лично како и секој педијатар и доктор од својата струка поединечно учиме секојдневно. Така и за мене имаше одредени новини кои ги апсорбирам од порталот Педијатар.мк.
Она што мене лично ми остава најголем впечаток е дека текстовите од медицински аспект се објавувани од најрелевантните педијатри од примарната, секундарната и терцијарната заштита во државата, дека новинарската мисла е впечатливо чиста и искрена и базирана на реална медицинска вистина. Мислам дека најголемата тежина на овој портал лежи во симбиозата на менаџерската, новинарската и медицинската екипа кои заедно како една целина ја покажуваат целата љубов која ја имате кон здравјето на децата
Ако одговорам директно на вашето прашање, мојот одговор е доста едноставен и јасен: Да, Педијатар.мк е моето прво утринско интернет дружење и значаен информатор. Но, би сакал да потенцирам дека самиот факт што текстовите и материјалите кои се објавуваат се поврзани со најрелевантните медицински институции, академии, часописи, истражувачки центри, клиники и др. уште еднаш ја потврдува посветеноста за правилно и чесно информирање на читателите за сите аспекти на педијатријата како наука.
Впрочем не случајно текстовите поминуваат преку неколку филтри пред да бидат објавени, што е особено битно во морето на дезинформации кои секојдневно се пласираат во интернет просторот. За среќа, читателите добро знаат каде да најдат доверлив извор на информации за што е доказ довербата преточена преку огромна читаност и популарност која ја уживаме кај пошироката публика. Веројатно добра илустрација за ова е она што Вие честопати и милувате да го кажете: „Пазете кога читате книги за медицина, може да умрете од печатна грешка“…
Д-Р СЦИ. САЈКОВСКИ: Ова е една од најзначајните мисли која често ја цитирам во моите предавања. Имено, развојот на технологијата и интернетот ни донесоа една нова огромна брзина на ширење на информациите и моќ за апсорпција на многу нови. Притоа, интересен е фактот дека денес хуманата популација за само еден ден добива многу повеќе информации отколку луѓето во средниот век за целиот нивен живот. Во таа динамика за жал често се јавуваат непроверени, нерелевантни и несигурни информации кои може само да ги збунат читателите и да рашират дезинформации. Во таа смисла лично сметам дека Педијатар.мк со својот приод, извор на информации и посветеност не само што се наоѓа на вистинската страна на науката туку и е еден истурен медиум во борба против медицинските дезинформации. Ова, пред се, сметам дека се должи на високата новинарска професионалност на овој портал.
Педијатар.мк во изминатата година понуди уште една нова содржина, поинаква форма на изразување и информирање на јавноста – станува збор за „Ваш педијатар“ – подкаст од областа на педијатријата, заштитата и превенцијата на здравјето на децата. Се чини дека недостасуваше еден ваков формат преку кој гледачите можат да добијат многу одговори на интересни теми и тоа во кое било време од денот преку само еден клик на нашиот Јутјуб канал. Ви благодарам што токму Вие бевте првиот наш гостин во „Ваш педијатар“, се надевам дека се чувствувавте убаво и дека повторно ќе ни гостувате со теми кои ги бараат нашите читатели…
Д-Р СЦИ. САЈКОВСКИ: Лично ми преставуваше посебна чест и задоволство да бидам прв гостин на Јутјуб каналот „Ваш педијатар“. Сметам дека е веќе дојдена фаза и ера на нов пристап до родителите, пациентите и колегите и дека подкастите од областата на медицината, а особено од педијатријата ќе бидат главен линк и поврзаност помеѓу педијатрите помеѓу себе, но и со нивните пациенти односно со родителите на истите.
Не сите педијатри се до крај искрени со децата, но кога ќе застанете пред едно дете и ќе го погледнете во очи, а тоа нема да покаже страв од вас како педијатар – тогаш знаете дека сте успеале. Впрочем децата имаат најголем осет да проценат кој навистина им мисли добро и ги сака
Впрочем како што гледате европските анкети покажуваат дека населението повеќе им верува на овие модели на информирање отколку на стандардната телевизија. Сосема е јасно дека подкастите стануваат директен линк и сигурен извор на информирање. Во оваа ера на трансхуманизам населението сака искреност, блискост и реалност, а тоа може да го добијат со овој модел на информирање. Сметам дека „Ваш педијатар“ е на прав пат и му посакувам многу успешна реализација. Најнова форма на комуникација е холограмската презентација и за истата очекувам дека наскоро ќе ја видиме и кај нас.
Родендените се одличен повод да се вратиме малку наназад и да направиме мала ретроспектива на изминатите настани, но и на личен план. Ако ми дозволите, ќе Ве навратам години наназад – како се одлучивте за педијатрија, а подоцна и супспецијалност неонатологија, и каков беше вашиот пат до статусот кој го уживате денес?
Д-Р СЦИ. САЈКОВСКИ: Од првиот ден кога се запишав на Медицински факултет, сакав и знаев дека моја определба ќе биде педијатријата. И покрај одредени трновити фази во мојата кариера, денеска сметам дека се требало едноставно така да биде, па дури и истите се само индивидуален поттик да бидете посилни и педијатриски поспремни. Би сакал да им пренесам на сите млади лекари кои се стремат кон педијатријата дека тоа е најплеменита медицинска наука, но дека бара доста учење, едукација и посветеност.
Сметам дека „Ваш педијатар“ е на прав пат и му посакувам многу успешна реализација. Најнова форма на комуникација е холограмската презентација и за истата очекувам дека наскоро ќе ја видиме и кај нас
Секако дека не сите педијатри се до крај искрени со децата, но кога ќе застанете пред едно дете и ќе го погледнете во очи, а тоа нема да покаже страв од вас како педијатар – тогаш знаете дека сте успеале. Впрочем децата имаат најголем осет да проценат кој навистина им мисли добро и ги сака.
Да имате можност да почнете одново – би ја одбрале ли повторно педијатријата и децата?
Д-Р СЦИ. САЈКОВСКИ: Ако треба да одговорам кратко и јасно, тогаш одговорот е апсолутно ДА. Ако ме прашате зошто, тогаш одговорот е повторно краток и јасен, а тоа е дека децата се најдоброто, најплеменитото и чудесното на планетата Земја. Тие се она за што постои и животот на оваа планета. А ако треба да ја поврзам личната мисла, таа е дека и во мене живее едно дете кое ја дели животната радост со нив. Лично, во мојот живот ништо не би променил и би го избрал повторно истиот пат.
Постојано сте опкружен со деца, најискрените и најблагородни суштества на светот, мали, а со огромни и чисти срца, кај нив нема глума, се е јасно и директно. Кои се Ваши поголеми фанови: пациентчињата, децата или внуците?
Д-Р СЦИ. САЈКОВСКИ: Многу суптилно прашање! Кај моите пациенти сум познат како Бетмен. Дури добив од некои дечиња и слики и цртежи на д-р Бетмен. Сметам дека и пациентчињата, и децата и внуците се мои фанови затоа што едноставно и јас сум нивен фан.
1. Интервју со д-р Владо Колевски: Немојте да ги вакцинирате децата, освен оние што сакате да ви останат живи
2. Проф. д-р Јовица Угриновски: ЈАТРОГЕНИЗАЦИЈА: Се поголем е бројот на пациенти коишто се разболени од доктор
3. Интервју со д-р сци. Александар Сајковски: Инциденцата на аутизмот несомнено асоцира со технолошкиот развиток на човештвото, а не со вакцинациите
4. Интервју со д-р Мими Кимовска-Христова: Траорна е глетката на ова што се случува, одговорноста треба да ја преземат оние кои не ги вакцинираат своите деца
5. ПРВ ПАТ ВО ИСТОРИЈАТА НА РАКОТ: Ракот на дебелото црево исчезнал кај сите пациенти во клиничко испитување на нов лек!
1. Асс. д-р Јорданчо Иванов: Забременувањето над 45 години е скоро невозможно
2. Проф. д-р Марина Крстевска – Константинова: Дијабетес во детската возраст (1)
3. Проф. д-р Јовица Угриновски: Скриена спина бифида, од клинички аспект, не значи ништо (1)
4. Интервју со прим. д-р Марина Поп-Лазарова: Родителите треба да се запознаат со педијатарот пред раѓањето на нивното дете
5. Д-р Даница Поповска: Кога одењето на прсти треба да нè загрижи?
