Професорите од Универзитетот Кембриџ откриле дека некои жени имаат редок ген кој им овозможува да не почувствуваат никаква болка за време на породувањето. Присуството на овој ген е забележан кај една од сто жени.
Д-р Ајван Смит, еден од авторите на истражувањето вели “генот кој го пронајдовме кај жените кои чувствуваат помал или воопшто не чувствуваат болка при породувањето, всушност е ‘дефект’ кој влијае на нервите, нешто како природна епидурална анестезија. За да се ‘вклучат’ нервите за болка, потребна е голема и силна болка, односно трудови.
Истражувачите велат дека проучувале група на жени кои при раѓање на првото дете, не барале никакво олеснување на болките. Тие имале и поголема толернација на топлина, студенило и притисок.
“Навистина е необично кога жените не бараат никакво олеснување на болките, кислород, епидурална анестезија или нешто друго додека се породуваат, особено првиот пат. Беше очигледно дека оваа група на жени имаат повисок праг на толеранција“, велат професорите.
Тимот го открил генетски код KCNG4 кој служи, како што опишуваат лекарите, како врата и ги контролира сигналите кои ги испраќа мозокот поврзано за болката. Потребна е силна болка за таа врата да се отвори и за жената да почувствува болка, а онаа болка која се јавува при породувањето не е доволно силна за тоа.
