Синдромот на иритабилно (нервозно) црево е хронично нарушување кое го зафаќа дебелото црево, а предизвикува болни симптоми во стомакот и цревата. Иако точната причина за ова нарушување е непозната, луѓето може да почувствуваат симптоми поради одредени проблеми со варењето на храната, екстремна чувствителност на внатрешноста на цревата, зголемен стрес или премногу бактерии во цревата.
Но, како да се препознае синдромот на иритабилно црево кај децата? Имајќи предвид дека децата често велат дека ги боли стомакот за да избегнат одредени задачи или училишни обврски, многу родители не ги сфаќаат сериозно нивните симптоми, предупредуваат педијатрите. Симптомите на секое дете може да се разликуваат, а вклучуваат:
Педијатрите предупредуваат дека симптомите на синдромот на иритабилно црево кај децата може да изгледаат како други помалку сериозни здравствени проблеми, поради што е важно навреме да се посети лекар за точна дијагноза
- стомачни болки кои постојано се враќаат или траат подолго,
- промени во навиките на празнење на дебелото црево, како што се дијареја или запек,
- гадење,
- чувство на вртоглавица,
- губење на апетит,
- надуеност и грчеви,
- зголемена потреба за празнење на цревата,
- слуз во столицата.
Педијатрите предупредуваат дека симптомите на синдромот на иритабилно црево кај децата може да изгледаат како други помалку сериозни здравствени проблеми, поради што е важно навреме да се посети лекар за точна дијагноза.
