Учениците од четврта година од NOVA International School Skopje заедно со своите професорки по психологија Ивана Пемпер и Викторија Димитровска ги посетија одделите за радиологија и неврологија во клиничката болница „Жан Митрев“. Тие имаа прилика да се запознаат одблиску со технологиите на снимање на мозокот како што се магнетната резонанса (МР), компјутерската томографија и ЕЕГ дијагностика кои се користат со цел да се утврди фунционирањето на овој орган.
„Им благодариме на заинтересираноста и љубопитноста на учениците и секако на професорките, нашата главна Светлана Ончева, сестра Сузана Костовска и нашиот радиолошки техничар Михајло Маноилов кои ја спроведоа оваа посета“, изјавија од клиничката болница „Жан Митрев“.
