Според табелата објавена од наставниците од британското основно училиште Вилсон, децата би требало да бидат во кревет до одредено време, во зависност од возраста и од тоа кога се будат наутро, пренесува „The Sun“.
Така, децата на возраст од пет години треба да си легнуваат од 18:45 до 20:15 часот, во зависност од тоа кога се разбудиле.
- Ако петгодишно дете стане во 6:30 часот, ќе биде подготвено за спиење во 19:15 часот, но ако се разбуди малку подоцна (на пр. во 7 часот) тој или таа ќе биде подготвен/а за спиење во 19:30 часот
Осумгодишно дете кое станува во 6:45 часот наутро е подготвено за спиење во 20:15 часот. Ако се разбудило во 7:30 часот, до 21 часот треба да биде во кревет.
Од друга страна, децата на возраст од 11 и 12 години треба да спијат уште од 20:15 до 21:45 часот.
Колку треба децата да спијат?
Страницата „Слип“ ја наведува препорачаната количина на сон за сите возрасни групи на деца.
- Новороденчиња (до три месеци): 14 до 17 часа;
- Доенчиња (четири до 11 месеци): 12 до 15 часа;
- Бебиња (една до две години): од 11 до 14 часа;
- Деца од предучилишна возраст (три до пет години): 10 до 13 часа;
- Деца на училишна возраст (од шест до 13 години): 9 до 11 часа;
- Тинејџери (од 14 до 17 години): 8 до 10 часа.
