Лежењето на стомак има одредени предности за бебињата, оти во таа положба тие ги јакнат мускулите, учат разни движења и ја подобруваат координацијата. Сепак, во оваа положба бебето не треба да спие.
Откако Американската академија за педијатрија почна да им препорачува на родителите бебето да лежи на грб, веќе десет години стапката на изненадна смрт драстично е намалена. Сепак, на грб, бебето може лошо да ја развие главата (плагиоцефалија). Покрај тоа, постојаното лежење на грб ќе ја намали подвижноста на мускулите на бебето на горниот дел од телото. Недоволното време поминато на стомак, може да влијае и на изостанок на развој на основните движења, како седење, лазење, па и шетање.
- Кое е најдоброто време бебето да биде на стомак?
Треба да почнете со вртење на бебето на стомак уште додека е новороденче. Може да го ставите на вашите гради или на рацете неколку минути, како би се привикнало на таа положба. Не правате го тоа непсоредно по оброк, бидејќи ќе создадете притисок на стомакот, па може да дојде до повраќање.
- Колку време треба бебето да минува на стомак?
На почетокот најдобро е тоа да биде по 2-3 минути дневно. Како расте и се јакне, така зголемувајте го времето поминато на стомак. Тоа максимум нека изнесува 20 минути. До четвртиот месец, бебето треба да може да ја ги подигне градите над подот и да ја држи главата право.Ќе може и да ја дигне раката од подот, да го исправи грбот и да шутира со нозете. Во петиот и шестиот месец бебето ќе почне да се врти на стомак и да ги користи рачињата да се сврти или да се подбутне.
- Што ако бебето не сака да лежи на стомак?
Многу бебиња не ја сакаат оваа положба, па умеат да протестираат со главата спуштена до долу. Важно е бебето да ги јакне мускулите додека е на стомак обидувајќи се да се спротистави на гравитацијата. Обидете се го задржите три минути,а доколку одбива, направете го тоа една минута а потоа полека продолжувајте го времето. Со тек на време ќе се навикне и ќе ужива во оваа рутина. Времето поминато на стомак нека биде дел од вашата регуларна дневна игра.
Бебето никогаш не го оставајте на стомак без ваше присуство, оти тоа може да стане многу опасна положба. Ако бебето се умори и заспие на стомак, сврете го на грб. Не дозволувајте никогаш бебето да спие на стомак, оти така се зголемува опасноста на синдром на изненадна смрт (СИДС).
