За голем број родители, ноќното успивање на децата е вистинска борба, но квалитетниот сон е важен. Но, кога треба детето да легнува да спие и колку сон му е потребен?
Ова златно прашање го поставуваат родителите, а има различни одговори, во зависност од тоа кого прашувате. Меѓутоа, многумина се согласуваат дека редовната рутина за спиење треба да се воведе кога девата се стари околу четири месеци.
Експертите на порталот Sleepsisters.com објавија свој водич во кој предлагаат кога децата, во зависност од нивната возраст, треба да одат на спиење.
Новороденчиња (до три месеци): На бебињата не им треба време за спиење; тие обично спијат кратко време, околу два часа во текот на денот и ноќта.
1-4 месеци: 20 – 23 (бидејќи бебињата се хранат редовно, ова е препорачаното време за спиење)
4-8 месеци: 17:30 – 19:30 (заедно со редовните дремки, раното легнување на спиење може да им помогне на бебињата да се наспијат)
8-10 месеци: 17:30 – 19 часот (се препорачува легнувањето да не биде подоцна од 3,5 часа по втората дремка)
10-15 месеци: 18:00 – 19:30 часот (со оглед на пократкото времетраење на дремките, важно е децата да легнуваат порано)
15 месеци – 3 години: 18 – 19:30 (кога децата престануваат да дремат, времето за спиење треба да се помести порано)
3 – 6 години: 18 – 20 (децата повеќе не дремат, па им треба дополнителен час сон)
7 – 12 години: 19:30 – 21:00 часот (сега кога детето е на училиште, спиењето е уште поважно)
Тинејџери: 21+ (кај тинејџерите ситуацијата е поинаква, се препорачува да се одземе времето на будење од потребниот број часови спиење за нивната возраст).
Колку сон им треба на децата?
Ова е уште едно често поставувано прашање. Клиниката Кливленд Хит го предлага следниов распоред за спиење:
- Новороденчиња (до три месеци): 14 до 17 часа
- Бебиња (четири до 11 месеци): 12 до 15 часа
- Мали деца (една до две години): од 11 до 14 часа
- Деца од предучилишна возраст (три до пет): од 10 до 13 часа
- Ученици (6 до 13): 9 до 11 часа
- Тинејџери (14 до 17): 8 до 10 часа.
