Во текот на последните три месеци од бременоста, антителата од мајките се пренесуваат на нивните неродени бебиња преку плацентата. Овој тип на имунитет се нарекува пасивен имунитет затоа што на бебето му се дадени антитела наместо да ги создава самото.
Антителата се специјални протеини што ги произведува имунолошкиот систем за да помогне во заштитата на телото од бактерии и вируси. Количината и видот на антителата кои се пренесуваат на бебето зависи од имунитетот на мајката.
На пример, ако сте имале варичела, треба да имате развиено имунитет против оваа состојба и некои од антителата на сипаници ќе бидат пренесени на вашето бебе. Но, ако сте немале сипаници, вашето бебе нема да биде заштитено.
Имунитетот кај новородените бебиња е само привремен и почнува да се намалува по првите неколку недели или месеци.
Мајчиното млеко исто така содржи и антитела, што значи дека бебињата кои се доени имаат подолг пасивен имунитет. Густото жолтеникаво млеко (колострум) произведено во првите неколку дена по раѓањето е особено богато со антитела
Мајчиното млеко исто така содржи и антитела, што значи дека бебињата кои се доени имаат подолг пасивен имунитет. Густото жолтеникаво млеко (колострум) произведено во првите неколку дена по раѓањето е особено богато со антитела.
Предвремено родените бебиња се изложени на поголем ризик да развијат болест затоа што нивниот имунолошки систем не е толку силен и немаат толку многу антитела пренесени на нив.
Бидејќи имунитетот на новороденчето е само привремен, важно е да започнете со вакцинација кога вашето бебе ќе наполни 2 месеци. Ова се однесува и на бебињата кои се и предвремено родени и доносени.
Првата вакцинација, дадена кога вашето бебе има 2 месеци, вклучува голема кашлица и Hib (хемофилус инфлуенца тип б), бидејќи имунитетот на овие состојби најбрзо се намалува.
Пасивниот имунитет на мали сипаници, заушки и рубеола може да трае и до една година, поради што вакцината МРП се дава веднаш по првиот роденден на вашето бебе (иако може да има некои околности во кои се препорачува порана МРП вакцинација). (National Health Service – NHS)
