Протеините или белковините, покрај мастите и јаглехидратите обезбедуваат неопходни калории за раст и развој на детскиот организам.
Колку протеини дневно му се потребни на детето секој ден?
Протеините спаѓаат во основни материи и состојки на секоја клетка. Освен што се изградуваат клетката, тие понекогаш може да бидат и извор на енергија. Тоа се случува кога не се внесени доволно јаглехидрати и масти, кои претставуваат основни извори на енергија.
Со внесот на еден грам протеин, се добиваат 4 калории.
Гледано според возраста на детето, на најмалите деца потребни им се најмногу протеини во текот на денот.
- На дете на возраст од 1 до 2 години потребно му е 1,2гр протеини на секој килограм телесна маса. Значи, ако детето тежи 10кг, потребно му е на дневна основа да внесе 12гр протеини.
- Со растот и развојот на детето, овој однос се менува, така што дете на возраст од 5 до 7 години треба секој ден да внесе по 1гр протеин на секој килограм телесна тежина. Тоа значи дека дете кое има 20кг треба секојдневно да внесува 20гр протеини.
- Кај постарите деца, адолесценти и возрасните, препорачаната количина на протеини дневно е 1гр на 1кг телесна маса.
Од вкупниот дневен внес на храна, протеините треба да составуваат околу 20-25% и тоа пред се, протеини од животинско потекло.
ИЗВОРИ НА ПРОТЕИНИ
Протеините од животинско потекло се билошки повредни од протеините од растително потекло. Најголеми извори на протеини од животинско потекло се месото, рибата, јајцата, како и млекото и млечните производи.
Од растителните протеини треба да се избираат мешунки (грав, боранија, грашок), кои се богати со влакна, витамини и минерали.
