Новата студија дава одговор на едно од најпоставените прашања од почетокот на пандемијата – колку долго по инфекцијата остануваат антителата во телото.
Студијата, објавена во списанието „Nature Microbiology“, се заснова на тестирање на антитела кај 38 пациенти и здравствени работници во болницата „Сент Томас“, кои биле заразени за време на првиот бран на коронавирус, пред да се вакцинираат.
Резултатите сугерираат дека вакцините специјализирани за еден сој би биле помалку ефикасни против другите соеви, и дека вакцините направени за оригиналната варијанта, кои во моментов се даваат, обезбедуваат најдобра заштита од сите соеви
И покрај првичниот пад на нивото на антителата непосредно по инфекцијата, резултатите покажале дека кај повеќето луѓе (18/19 пациенти) антителата биле детектирани и 10 месеци откако биле заразени.
Истражувачкиот тим предводен од д-р Кети Дорс од Факултетот за имунологија и микробиолошки науки, исто така, тестирал како антителата создадени за борба против специфичната варијанта на SARS-CoV-2 ќе реагираат на другите варијанти. Се покажало дека антителата генерираат силен одговор на повторната инфекција со истиот сој, но биле помалку ефикасни во борбата против другите соеви, пренесува Кралскиот колеџ во Лондон.
Антителата се врзуваат за шилестиот протеин на вирусот SARS-CoV-2, а вакцините го имитираат овој протеин за да создадат имунолошки одговор. Сепак, мутациите во новите соеви на вирусот (алфа, бета, делта) предизвикаа загриженост за тоа дали вакцините развиени да ја таргетираат оригиналната варијанта на коронавирус ќе бидат ефикасни против новите варијанти и дали треба да се редизајнираат.
Овие резултати сугерираат дека вакцините специјализирани за еден сој би биле помалку ефикасни против другите соеви, и дека вакцините направени за оригиналната варијанта, кои во моментов се даваат, обезбедуваат најдобра заштита од сите соеви и треба да се користат во програмите за вакцинација, пренесува „Нова.рс“.
