Според најновата студија, вакцинираните бремени жени им обезбедуваат заштита од Ковид-19 на нивните бебиња.
Научниците го измериле нивото на антитела во крвта од папочната врвца за да утврдат дали имунитетот доаѓа од инфекција со коронавирус или од вакцините. На нивно изненадување, сите 36 новороденчиња во студијата чии мајки за време на бременоста примиле вакцини Модерна или Фајзер имале заштитни антитела.
„Резултатите покажуваат многу охрабрувачки нивоа на антитела во крвта од папочната врвца“, вели гинекологот Линда Екерт од Универзитетот во Вашингтон
За да утврдат дали антителата се настанати поради вакцината или по природен пат преку инфекција, експертите барале специфични антитела што се појавуваат по вакцинацијата или по прележување на болеста, но и протеинот нуклеокапсид, кој е присутен само во случај на инфекција.
Од 36 бремени жени, 31 развиле имунитет преку вакцинација. Останатите пет не биле тестирани на протеинот нуклеокапсид, па експертите не можат со сигурност да кажат како е создадена заштитата, пишува „Блумберг“.
„Резултатите покажуваат многу охрабрувачки нивоа на антитела во крвта од папочната врвца“, изјави гинекологот Линда Екерт од Универзитетот во Вашингтон.
Во меѓувреме, „Фајзер“ започна своја студија за ефектот на нејзината вакцина за време на бременоста и кај новороденчињата, но истата беше одложена поради етички прашања…
Според податоците на Американскиот центар за контрола и превенција на болести, до 11 септември, само 30% од бремените жени на возраст од 18 до 49 години ги примиле двете дози на вакцината, пренесува „Индекс“.
Студијата насловена „Високи нивоа на антитела во крвта на папочната врвца од бремени жени вакцинирани против Ковид-19“, е објавена во часописот „American Journal of Obstetrics & Gynecology-Maternal Fetal Medicine.“
- ПРОЧИТАЈТЕ И…
